अमोल कोल्हे यांनी आपले सरकार केंद्रांबाबत केलेल्या मागणीला यश
*मीडिया वार्ता न्यूज*
*जळगाव जिल्हा प्रतिनिधी*
*विशाल सुरवाडे*
जळगाव– सामान्य जनतेला आवश्यक शासकीय दस्तावेज व प्रमाणपत्र साठी भटकंती होऊ नये व त्यांना एकाच छताखाली सर्व सेवा उपलब्ध व्हाव्यात म्हणून शासनाने ई सेवा केंद्र , आपले सरकार केंद्र , सेतु केंद्र , आधार केंद्र इत्यादिची सुविधा उपलब्ध करून दिलेली आहे . ज्यामध्ये आधार कार्ड, कास्ट सर्टिफिकेट , नॅशनॅलिटी सर्टिफिकेट , डोमिसाईल सर्टिफिकेट , शपथपत्र , रेशनकार्ड, राजपत्र अश्या अनेक सेवा उपलब्ध आहेत . सोबतच नागरिकांची आर्थिक लूट होवू नये म्हणून शासनाने यासाठी लागणारे शुल्क सुद्धा निश्चित करून दिलेले आहेत.
परंतु काही केंद्र संचालकांद्वारे केंद्रावर सेवानुसार शुल्कचा फलक (रेट बोर्ड) न लावल्याने नागरिकांमध्ये शुल्क विषयी संभ्रम निर्माण होतो व जास्तीचे शुल्क घेऊन त्यांची आर्थिक फसवणूक केली जाते. शासनाने सर्वच केंद्रांसाठी सेवेनुसार एक समान दर निश्चित केलेले असूनही शुल्क फलक न लावल्यामुळे नागरिकांना शुल्कची माहिती मिळत नाही. नागरिक फसवणुकीला बळी पडतात.
जळगाव जिल्ह्याच्या शहर व ग्रामीण मधील सर्व ई सेवा केंद्र, आपले सरकार केंद्र, सेतु केंद्र ,आधार केंद्र संचालकांना आपल्या केंद्रात शुल्क/दर फलक ( रेट बोर्ड ) लावणे विषयी अधिसूचना/आदेश करावेत. तसेच सदर आदशांनंतर देखील शुल्क फलक न लावता जास्त शुल्क घेणाऱ्या केंद्र संचालकांवर फौजदारी गुन्हा दाखल करून केंद्राचे लायसेंस रद्द करण्याचे त्या अधिसूचनेत प्रावधान करावे . अशी मागणी सामाजिक कार्यकर्ते अमोल कोल्हे यांनी जिल्हाधिकारी यांचेकडे केलेली होती व त्या मागणीसाठी पाठपुरावा केलेला आहे . त्यानुसार जिल्हाधिकारी कार्यालयाच्या वतीने सबंधितांना आपले सरकार सेवा केंद्रांवर दर फलक लावणे व शासन निर्णयाचे पालन करण्याचे आदेश निर्गमित करण्यात आलेले आहेत .
