बांगलादेशी विमान चालकाचा नागपुरात हृदयविकाराने मृत्यू.
✒युवराज मेश्राम✒
नागपुर जिल्हा प्रतिनिधी
9923296442
नागपूर:- बांगलादेशातील एका विमान चालकाला हृदयविकाराचा त्रास सुरू झाल्याने बांगलादेशच्या विमानाचे नागपूर विमानतळावर शुक्रवारी ‘इमर्जन्सी लॅण्डिंग’ करण्यात आले होते. वैमानिकावर नागपुर येथील किंग्सवे रुग्णालयात उपचार सुरू असताना सोमवारी सकाळी उपचारादरम्यान त्याच्या मृत्यू झाला. ‘बिमान बांगलादेश’च्या प्रवक्त्या ताहेरा खांडकर यांनी ही माहिती दिली.
‘बिमान बांगलादेश एअरलाइन्स’ चे हे विमान मस्कतहून ढाक्याला रायपूरवरून जात होते. विमानात एकूण 126 प्रवासी होते. याच दरम्यान पायलट नवशाद वय 45 वर्ष यांना हृदयविकाराचा त्रास सुरू झाला. विमानाने तात्काळ कोलकाता एटीसीला संपर्क केला. तसेच, विमानातील परिस्थितीची जाणीव करुन दिली. पायलटच्या प्रकृतीची माहिती मिळताच एटीसीने विमानाचे नागपूर विमानतळावर इमर्जन्सी लॅण्डिंग करण्याचे आदेश दिले. शुक्रवारी सकाळी 11.40 वाजताच्या सुमारास विमान तातडीने नागपूर विमानतळावर उतरवण्यात आले. पायलटला उपचारासाठी किंग्जवे रुग्णालयात दाखल करण्यात आले. त्यांना व्हेंटिलेटरवर ठेवण्यात आले होते.
उपचारादरम्यान आज सकाळी 10 वाजताच्या सुमारास त्यांचा मृत्यू झाला. याची माहिती रुग्णालयाने ‘बिमान बांग्लादेश’ व त्यांच्या नातेवाईकांना दिली. नवशाद यांची बहीण हॉस्पिटलमध्ये दाखल झाल्या. त्यांचा मृतदेह बांगलादेशला परत नेण्यासाठी सर्व स्तरातून प्रयत्न सुरू असल्याची माहिती आहे.
