दोन ज्येष्ठांनी अनुभवला ध्वजारोहणाचा आनंद!
सुषमा धनराज वैद्य
पुराडा/ डीवरीनटोला प्रतिनिधी
मो:7822903985
ग्राम पंचायत कार्यालय भजेपार येथे परिचर पदावर राहून अनेक वर्षापासून सेवा देणाऱ्या मा. दागोजी फुन्ने यांनी आज पर्यंत असंख्य ध्वजारोहण कार्यक्रमाच्या तयाऱ्या केल्या. परंतु त्यांच्या हस्ते आज ग्राम पंचायत कार्यालय भजेपार येथे प्रत्यक्ष ध्वजारोहण पार पडले. अनेक वर्षापासून सेवा देत असल्याबद्दल त्यांना ही मानाची संधी देण्यात आली.
त्याच प्रमाणे रविवारच्या ग्राम स्वच्छता मोहिमेत अखंडित पणे सहभागी होणारे मोहिमेतील सर्वात ज्येष्ठ नागरिक स्वच्छतादूत रमेशजी बहेकार यांना शाळेतील ध्वजारोहण करण्याचा मान देण्यात आला. या दोन्ही ज्येष्ठांनी आज प्रथमच ध्वजारोहणाचा आनंद अनुभवला हे विशेष.
यावेळी गुणवंत विद्यार्थ्यांना सन्मान चिन्ह व भेटवस्तू देऊन त्यांचा गौरव करण्यात आला, रविवारच्या मोहिमेत सहभागी होणाऱ्या विद्यार्थ्यांचा देखील सत्कार करण्यात आला.दरम्यान वृक्षारोपणाचा छंद जोपासणारे ज्येष्ठ नागरिक पर्यावरण प्रेमी मंगरुजी चुटे* यांचा सत्कार करण्यात आला.
यावेळी ग्राम पंचायत पदाधिकारी व कर्मचारी, शाळा व्यवस्थापन समितीचे पदाधिकारी, सर्व शिक्षक वृंद, विद्यार्थी व भजेपार ग्रामस्थ मोठ्या संख्येने उपस्थित होते..
