त्या नरभक्षी वाघाला जेरबंद करा – आ. किशोर जोरगेवार. वाघाच्या हल्यातील मृतकाच्या कुटुंबीयांची आ. किशोर जोरगेवार यांनी घेतली भेट
अश्विन गोडबोले
चंद्रपूर महनगर प्रतिनिधी
मो: 8830857351
चंद्रपूर : 1 मे, वाघाच्या हल्यात मृत्यु झालेल्या इंदिरा नगर येथील रहिवासी पुरुषोत्तम चिंतामन बोपचे (३९) यांच्या कुंटुबीयांची सोमवारी आ. किशोर जोरगेवार यांनी भेट घेत मृतकाच्या कुटुंबीयांना तात्काळ शासकीय मदत देण्याच्या सुचना केल्या. सोबतच या भागात मुक्तसंचार असलेल्या नरभक्षक वाघाला जेरबंद करण्याची मागणी त्यांनी केली. या मागणीचे निवेदन त्यांनी मुख्यमंत्री एकनाथ शिंदे व वनमंत्री सुधिर मुनगंटीवार यांना पाठविले आहे. इंदिरा नगर येथील रहिवासी पूरुषोत्तम चिंतामन बोपचे हे सकाळच्या सुमारास कुड्याचे फुल वेचण्यासाठी एमईएल लगतच्या जंगलात गेले होते. सायंकाळ पर्यंत ते घरी परत न आल्याने घरच्यांनी जंगलात त्यांचा शोध घेतला असता त्यांचा मृतदेह आढळुन आला होता. वाघाच्या हल्ल्यात त्यांचा मृत्यु झाल्याचे निष्पन्न झाले.
दरम्यान आज सोमवारी आमदार किशोर जोरगेवार यांनी मृतक यांच्या इंदिरा नगर येथील घरी जात कुटुंबीयांची भेट घेतली. यावेळी मृतकाच्या पत्नीला वन विभागाने कंत्राटी पध्दतीवर नोकरीत सामावून घेण्याच्या सूचना त्यांनी वनविभागाच्या अधिकाऱ्यांना केल्या आहे. यावेळी यंग चांदा ब्रिगेडच्या आदिवासी विभागाचे जिल्हाध्यक्ष जितेश कुळमेथे, आनंद रणशूर, नितेश गवळी, डॉ. गरिधर येडे, पप्पु बोपचे, तुषार येरमे, संजय पटले, सोनू मडावी, पंकज चटप, आदींची उपस्थिती होती.
दिड महिन्यातील ही दुसरी घटना असुन यात दोन वेगवेगळ्या घटनेत दोघांचा मृत्यु झाला आहे.
