माधवीताई जोशी यांनी प्रचाराला सुरुवात; मावळ लोकसभा मतदार संघ वंचित बहुजन आघाडीच्या उमेदवार
संदेश साळुंके
कर्जत रायगड प्रतिनिधी
९०१११९९३३३
मावळ:-दिनांक ०१ मे २०२४ रोजी नुकताच राज्यभरात लोकसभा निवडणुकीचे बिगुल वाजताच सर्वत्र उमेदवार आपापल्या तयारीला लागले असून, याच पार्श्वभूमीवर मावळ मतदार संघातून त्रिकुटात निवडणुकीची लढत रंगणार आहे. तर यामध्ये वंचित बहुजन आघाडीचे उमेदवार सौ. माधवीताई नरेश जोशी या मावळ लोकसभा स्थापित झाल्यापासुन पहिल्या स्त्रिव्यक्तिमत्व असलेल्या लोकसभेची निवडणूक लढवणार आहेत. यामधे वंचित बहुजन आघाडीचे अधिकृत उमेदवार सौ.माधवीताई जोशी यादेखील सदैव जनतेसाठी निस्वार्थ हेतूने कार्यरत आहेत. सद्य स्थितीत ताईंच्या विकास कामांचा आढावा घेता नक्कीच आगामी काळात मावळचा परिपूर्ण विकास होईल.निवडणूक परिपत्रकानुसार मावळ लोकसभेच्या निवडणुकांची रणधुमाळी सुरू झाली आहे.मावळ लोकसभेच्या अधिकृत उमेदवार सौ.माधवीताई जोशी यांनी आज कर्जत मध्ये महामानव भारतरत्न डॉक्टर बाबासाहेब आंबेडकर आणि महाराष्ट्राचे आराध्य दैवत छत्रपती शिवाजी महाराज यांना पुष्पहार अर्पण करून कार्ला येथील एकविरा माऊलीच्या चरणी नतमस्तक होऊन श्रीफळ वाढवून शुभाशीर्वाद घेऊन प्रचाराला जोरदार सुरुवात केली आहे, यावेळी मावळ लोकसभा मतदार संघातील सर्व वंचित बहुजन आघाडी, महिला आघाडी, भारतीय बौद्ध महासभा, युवा आघाडी, माथाडी कामगार, अपंग विकास प्रसार केंद्र, मावळ लोकसभेतील संविधानाला मानणारे सर्व कार्यकर्ते, पदाधिकारी आणि ज्येष्ठ पदाधिकारी सर्व गट व गणाचे पदाधिकारी आणि मावळ लोकसभेतील सर्व ग्रामीण भागातील तसेच शहरी विभागातील पदाधिकारी कार्यकर्ते हे मोठ्या संख्येने उपस्थित होते.
