बाई मागते न्यूड फोटो आणि माणुस मागतात खंडणी, टोळ्या सक्रीय.

बाई मागते न्यूड फोटो आणि माणुस मागतात खंडणी, टोळ्या सक्रीय.

✒युवराज मेश्राम ✒
नागपूर जिल्हा प्रतिनिधी
9923296442
नागपुर:- सोशल मिडियाच्या मध्यमातून कोन कधी कशा पद्धतीने कोणाला लूटणात याचा विश्वास देता येत नाही. त्यामूळे सोशल मिडिया वर असाल तर खुप काळजी पूर्वक हाताळा अशी महिती मिडिया वार्ता न्यूज तर्फे जनहितात जारी करण्यात येत आहे.

सोशल मिडिया प्लॅटफॉर्मवर फ्रेंड रिक्वेस्ट पाठवून फसवणा-या टोळीतील तरुणी वेगवेगळे तरुण, पुरुषांसोबत मैत्री करते. काही दिवस सलग चॅटिंग करून अचानक त्यांना व्हॉट्सॲपवरून न्यूड फोटो पाठवायला सांगते. नंतर तिचे साथीदार संबंधित व्यक्ती आणि नातेवाइकांना त्याचे न्यूड फोटो व्हायरल करण्याची धमकी देऊन खंडणी मागतात. खंडणी उकळण्याचा हा नवा फंडा गेल्या काही महिन्यांपासून वेगवेगळ्या टोळ्यांकडून अमंलात आणत आहे.

नागपुर येथील सक्करदरा परिसरातुन अशीच एक खळबळजनक बातमी समोर येत आहे. सोशल मिडियाच्या मध्यमातून लोकाना फसवणा-या एका टोळीचा छडा लावून पोलिसांनी या टोळीतील एका भामट्याला अटक केली.

राैनक प्रभू वैद्य असे आरोपीचे नाव असून, तो हुडकेश्वरमधील पिपळा फाटा भागात राहतो. त्याच्या टोळीतील तन्वयी नावाच्या एका मुलीने काही महिन्यांपूर्वी एका तरुणाला इन्स्टाग्रामवर फ्रेंड रिक्वेस्ट पाठवली. तरुणाने ती स्वीकारल्यानंतर चॅटिंग सुरू झाली. नंतर ते व्हॉट्सॲपवर बोलू लागले. तो एका सभागृहाचा मालक असल्याचे लक्षात आल्यानंतर तन्वयीने त्याला न्यूड फोटो पाठवायला सांगितले. तरुणाने तसेच केले. नंतर 1 मे रोजी तरुणाला एकाचा फोन आला. तुझे आमच्याकडे न्यूड फोटो आहेत. ते व्हायरल करेन, अशी धमकी देऊन पहिल्या वेळी दीड हजार, दुसऱ्यांदा पाच आणि तिसऱ्यांदा 6 हजार रुपये उकळले.

बदनामीचा धाक दाखवून आरोपी वारंवार पैसे मागत असल्याने तरुण दहशतीत आला. त्याने आपल्या वडिलांना हा प्रकार सांगून आरोपींना पैसे देण्यास स्पष्ट नकार दिला. त्यामुळे आरोपी राैनक काही दिवसांपूर्वी थेट तरुणाच्या घरी पोहोचला. तरुणाचे वडील आणि काकांना न्यूड फोटो दाखवून तुमचा मुलगा माझ्या नात्यातील तरुणीसोबत अश्लील चॅटिंग करतो, असे सांगून त्याचे न्यूड फोटो दाखविले. हे प्रकरण मिटवायचे असेल तर 50 हजार रुपये द्यावे लागतील, अन्यथा तुमची बदनामी करू, अशी धमकी दिली. वडिलांनी ते मान्य करून सोमवारी त्याला मंगल कार्यालयात बोलाविले. दुसरीकडे सक्करदरा पोलिसांकडे तक्रार केली. ठरल्याप्रमाणे आरोपी पोहोचला. त्याने खंडणी स्वीकारताच दबा धरून बसलेल्या पोलिसांनी त्याला अटक केली.