वर्ध्यातील भुगाव कंपनीत स्फोट, 30 पेक्षा अधिक मजूर भाजल्याचा अंदाज.
भुगाव येथील उत्तम गाल्वा यांच्या स्टील कंपनीत भीषण स्फोट झाल्याने अनेक मजदूर जखमी झाले असल्याची बातमी समोर येत आहे.
मुकेश चौधरी प्रतिनिधी
वर्धा:- भूगाव येथे असलेल्या उत्तम गाल्वा मेटॅलिक कंपनी. या केमिकल फॅक्टरीत बुधवारी सकाळी 10 च्या सुमारास स्फोट होऊन 30 पेक्षा अधिक मजूर भाजल्याची घटना घडली आहे. या स्फोटामागचे नेमके कारण अद्याप समोर आले नाही. दरम्यान सर्व जखमी मजुरांना सावंगी येथील रुग्णालयात दाखल करण्यात आले आहे. या ठिकाणी फॅक्टरीच्या गेटसमोर पत्रकारांना रोखून धरण्यात आले तर एका इलेक्ट्रॉनिक मिडिया पत्रकाराला धक्काबुक्की करण्यात आली आहे. घटनास्थळी सावंगी पोलिस ठाण्याचे ठाणेदार रेवचंद शिंगांनजुडे आपल्या चमुसह घटनास्थळी दाखल झाले आहे. ब्लास्ट फर्निशचा स्फोट झाल्याचा प्राथमिक अंदाज व्यक्त करण्यात येत आहे. उत्तम गलवा कंपनीत झालेल्या स्फोटाची चौकशी कामगार अधिकऱ्यांमार्फत होणार असल्याचे आदेश जिल्हाधिकारी विवेक भीमनवार यांनी निर्गमित केली आहे. चौकशी अंती दोषींवर कारवाई प्रस्तावित होईल असे घटनास्थळाची पाहणी केल्या नंतर जिल्हाधिकारी यांनी माध्यमांशी बोलतांना सांगितले,