डॉक्टराने केली कोरोना ‘पॉझिटिव्ह’ महिलेकडे शरीरसुखाची मागणी.

✒औरंगाबाद प्रतिनिधी✒

औरंगाबाद,दि, 4 मार्च:- राज्यात सध्या कोरोनाचा प्रादुर्भाव वाढत आहे. तर दुसऱ्या बाजूला मागील काही दिवसांपासून महिलांवरील अत्याचाराच्या घटना सातत्याने समोर येताना दिसत आहे. औरंगाबादमध्ये एक धक्कादायक आणि लाजीरवाणी घटना घडली आहे. कोरोना व्हायरसची लागण झालेल्या महिलेकडे शरीरसुखाची मागणी केल्याचा धक्कादायक प्रकार समोर आला आहे. महिलेकडे शरीरसुखाची मागणी चक्क डॉक्टराने केली असल्याचा आरोप आहे. या घटनेबाबत कळताच संतप्त झालेल्या महिलेच्या नातेवाईकांनी डॉक्टराला बेदम मारहाण केली. या प्रकरणाची चौकशी करावी आणि अहवाल सादर करावा, असा आदेश आता औरंगाबादचे आयुक्त आस्तिककुमार पांडे यांनी दिला आहे. पण आता या डॉक्टराची रुग्णालयातून हक्कालपट्टी केल्याचे समोर आले आहे.

दोन दिवसांपूर्वी मंगळवारी संध्याकाळी ही घटना एक महिला पदमपुरा येथील कोरोना उपचार केंद्रात रुग्ण दाखल झाली. एक आयुष डॉक्टर या महिलेचा मोबाईल नंबर घेऊन तिला सतत फोन करीत होता. डॉक्टरने मंगळवारी रात्री दोन वाजता या महिलेकडून शरीर सुखाची मागणी केली. तिला गच्चीवर नेण्याचा प्रयत्न केला. महिलेने त्याला विरोध करत आरडाओरड केल्यामुळे कोविड केअर सेंटरमध्ये एकच गोंधळ उडाला. इतर कर्मचाऱ्यांनी धाव घेऊन मध्यस्थी केली. पीडित महिला रुग्णालयात रडत होती.

औरंगाबाद महानगरपालिकेच्या आरोग्य अधिकारी नीता पाटणकर यांनी डॉक्टरची हकालपट्टी केल्याची माहिती दिली आहे. सदरील घटनेची तपासणी करून योग्य ती कारवाई केली जाईल, असे देखील पाडळकर म्हणाल्या. पण सदरील प्रकरणी महिलेने कुठलीही तक्रार दिलेली नसल्यामुळे त्यामुळे कायदेशीर कारवाई होऊ शकली नाही.