कार्लेखिंड की कचरा खिंड
अज्ञानातांकडून दुर्गंधीयुक्त कचऱ्याचे ढिग; प्रवाशांना नाक बंद करून करावा लागतो प्रवास,
अँड.रत्नाकरपाटील
रायगड ब्यूरो चीफ
९४२०३२५९९३
अलिबाग:- अलिबाग वडखळ मार्गावर निसर्ग सौंदर्याने परिपूर्ण असलेल्या कार्लेखिंड येथील लहान पात्रुदेवी मंदिराजवळ असलेल्या मोकळ्या जागेत अज्ञात व्यक्तींकडून दररोज मोठ्या प्रमाणात कचरा टाकण्यात येत आहे. सदर ओला कचरा मोठ्या प्रमाणात टाकत असल्याने ते कुजल्यामुळे कुबट व घाण वास येत असतो, यामुळे या मार्गावर प्रवास करणाऱ्या सर्वांनाच नाक धरून प्रवास करावा लागत आहे…
कार्लेखिंडीमध्ये असलेल्या रस्त्याच्या बाजूला असलेल्या मोकळ्या जागेमध्ये अलिबाग येथे मासे,चिकन, केळी,फळांच्या गाड्या रिकाम्या करून येताना आपल्या गाडीतील राहिलेला कचरा येथेच रस्त्यावर टाकून दिला जातो.या कचऱ्यात ओल्या मच्छीची घाण, चिकनची घाण, कुजलेला फळे व भाजीपाला तसेच इतर मेलेले प्राणी याठिकाणी टाकत असल्याने ते कुजूल्या मुळे दुर्गंधी पसरून घाण वास येत असल्याने भयंकर त्रास सहन करावा लागतो आहे. सदर कचरा टाकणाऱ्या अज्ञात व्यक्तींच्या विरोधात वनविभागाने कडक कारवाई करण्याची मागणी अनेकांनी केली आहे…
सदर ठिकाणी कचरा टाकणाऱ्या व्यक्तींच्या विरोधात यापूर्वी कारवाई करण्यात आली आहे, तरीही यापुढे कोणी कचरा टाकताना आढळल्यास त्यांच्या विरोधात कडक कारवाई करण्यात येईल. जागृत नागरिकांनी अश्या प्रकारे कचरा टाकणाऱ्या व्यक्तींची नावे अथवा माहिती द्यावी, जेणेकरून आम्ही कारवाई करू शकू.
तुकाराम जाधव – अलिबाग वनविभाग परिमंडळ वनाधिकारी
