पुणे :- पुणे पदवीधर मतदारसंघातून भाजपला मोठा धक्का बसला असून महाविकास आघाडीने आपला बाजी मारली आहे. राष्ट्रवादीचे अरूण लाड हे विजयी झाले आहेत.

अरूण लाड यांना या निवडणुकीत तब्बल एक लाखांपेक्षा जास्त मते मिळाली आहेत. लाड यांना 1 लाख 22 हजार 145 मते मिळाली आहेत. तर भाजपच्या संग्रामसिंह देशमुख यांना 73 हजार 321 मते मिळाली आहेत.

अरूण लाड यांच्या कार्यकर्तांनी अंतिम निकालाअगोदरच गुललाची उधळण केली होती. दुसऱ्या फेरीतील मतमोजणीनंतर लाड यांचा विजयी होणार असल्याचं चित्र होतं.

दरम्यान, लाड यांनी या निवडणुकीत 48 हजार 824 मतांची आघाडी मिळवत ऐतिहासिक विजय मिळवला आहे. पुणे पदवीधर मतदारसंघाच्या निवडणुकीत राष्ट्रवादी काँग्रेसचे अरुण लाड, भाजपचे संग्रामसिंह देशमुख आणि मनसेच्या रुपाली पाटील-ठोंबरे अशी तिरंगी लढत होती.