पोलादपूर तालुक्यातील विविध शाळेमध्ये आषाढी एकादशी निमित्त छोटे भक्त झाले तल्लीन काही ठिकाणी वृक्षदिंडी काढण्यात आल्या
सिध्देश पवार
पोलादपूरतालुका प्रतिनिधी
8482851532
पोलादपूर : आषाढी एकादशीचे औचित्य साधून पोलादपूर तालुक्यातील विविध शाळांमध्ये पारंपरिक व भक्तिभावाने ओतप्रोत भरलेले कार्यक्रम पार पडले. या कार्यक्रमांमध्ये विद्यार्थ्यांनी पांडुरंगाच्या वेषात व रुख्मिणी मातेच्या रूपात सजून, टाळ-मृदंगाच्या गजरात वारीचा आनंद घेतला. तर काही ठिकाणी वृक्षदिंडी काढण्यात आला त्यातून पर्यावरणाचा महत्व लोकांमध्ये समजावा यासाठी विद्यार्थी वर्गाकडून करण्यात आले एक तरी झाड वाढवा व निसर्गाचा वाचवा हा संदेश देण्यात आला
शाळांमध्ये ‘ज्ञानोबा-तुकाराम’चा जयघोष करत पालख्यांचे आयोजन करण्यात आले होते. मुलांनी अभंग गात, पंढरपूरच्या दिशेने जणू काही वारीच काढली होती. शिक्षक व पालकांनीही यामध्ये सहभाग घेत, विद्यार्थ्यांना वारीचे महत्त्व पटवून दिले.
या उपक्रमातून विद्यार्थ्यांमध्ये भक्तीभाव, सांस्कृतिक जाणीव व एकात्मतेचा संदेश रुजत असल्याचे अनेक शिक्षकांनी सांगितले. काही ठिकाणी हरिपाठ, प्रवचन, व एकादशीचे महत्व यावर आधारित नाटिका सादर करण्यात आली.
आषाढी एकादशीचा उत्सव विद्यार्थ्यांनी व शिक्षकांनी मिळून भक्तिभावाने साजरा केला. पारंपरिक पोशाख, विठ्ठल-रुख्मिणीच्या मूर्ती, भगवे पताके, फुलांची सजावट आणि अभंगगायन यामुळे संपूर्ण वातावरण भक्तिमय झाले होते.
