श्री राम नवरात्र मंडळ आयोजित फॅन्सी ड्रेस स्पर्धेत लहान गटात स्वराज उध्दरकर, शिशु गटात निर्विक ओक तर मोठ्या गटात गौरी पोतदार हे तिनही स्पर्धक ठरले प्रथम क्रमांकाचे मानकरी
म्हसळा: संतोष उध्दरकर.
म्हसळा: दरवर्षी प्रमाणे यंदाही श्रीराम नवरात्र मंडळाच्या वतीने शेवटच्या दिवशी फॅन्सी ड्रेसचे आयोजन करण्यात आले होते, या स्पर्धेत शिशु गट, लहान गट, मोठा गट, संयुक्त गट या प्रमाणे एकुण ५४ स्पधकांनी सहभाग घेतला. ही स्पर्धा अतिशय रंगतदार होऊन साकारलेल्या भूमिका उत्तम पद्धतीने सादरीकरण करण्यात येत होती,या स्पर्धेसाठी परीक्षकांनी योग्य परिक्षण करून प्रत्येक गटातील तिन स्पर्धक निवडण्यात आले असून या मध्ये शिशु गटात प्रथम क्रमांक निर्विक ओक याने गोवर्धन पर्वत करंगळीवर उचलणारा श्रीकृष्ण साकारला, व्दितीय क्रमांक विठ्ठल मूर्ती साकारणारी आदिश्री गव्हाणे, तर नरसिंह अवतार साकारणारा विरांश खुळे याचा त्रितीय क्रमांक आला, लहान गटात छत्रपती संभाजी महाराज छावा च्या वेषभूषेत कु. स्वराज उध्दरकर याने प्रथम क्रमांक पटकावला तर व्दितीय क्रमांक श्रीरामाच्या वेषभूषेत अनय पोतदार याने मिळविला व भारत मातेच्या वेषभुषेतील रिध्दी पोतदार ही त्रितीय क्रमांकांची मानकरी ठरली, मोठ्या गटात प्रथम क्रमांक गौरी पोतदार हिने बाजीप्रभु देशपांडे यांची भूमिका साकारून प्रथम क्रमांक पटकावला, व्दितीय क्रमांक शिव शंकराच्या वेषभूषेतील प्रसाद करंबे यांना देण्यात आला तर त्रितीय क्रमांक आदमखोर बनलेला अमोल कांबळे यांनी मिळविला. तसेच संयुक्त गटात भिल्ल जंगलातील राजाराणी बनलेले गोविंद बसवत, शक्ती बसवत या जोडीने प्रथम क्रमांक मिळविला, व्दितीय क्रमांक अनुज पोतदार व गृपने साकारलेली श्रीकृष्ण अर्जुन वेषभुषेसाठी देण्यात आला तर आर्य करडे, ओम करडे, शंतनु शिपुरकर यांनी राष्ट्रीय स्वयं सेवक संघ संचलन साकारून त्रितीय क्रमांकाचे मानकरी ठरले, तसेच स्वरा हेगिष्टये व स्वराज बनकर या गृप ने साकारलेले मनोज जरांगे मराठा आंदोलन या सामाजिक विषयावर वेषभुषा साकारून अनेकांचे लक्ष वेधले या गृपने उत्तेजनार्थ क्रमांक मिळविला, या सर्व विजेत्या स्पर्धकांना रोख रक्कम स्वरुपात बक्षिस देऊन मान्यवर सहायक पोलीस निरीक्षक संदीप कहाळे यांच्या हस्ते सन्मानित करण्यात आले, तसेच दहा दिवस मंडळाच्या सदस्यांनी कार्यक्रम यशस्वी पार पाडला त्या सर्व सदस्य यांना मंडळाचे अध्यक्ष सौरव पोतदार यांच्या हस्ते सन्मानित करण्यात आले. यावेळी उपस्थित सहायक पोलिस निरीक्षक संदीप कहाळे, मंडळाचे अध्यक्ष सौरव पोतदार, उपाध्यक्ष महेंद्र करडे, शिरीष समेळ, शैलेश पटेल, योगेश करडे, हिंदु ग्रामस्थ अध्यक्ष समीर बनकर, उपनगराध्यक्ष अनिकेत पानसरे, रविंद्र दळवी,बाबु बनकर, शशिकांत शिर्के, गौरव पोतदार, भालचंद्र करडे,समीर लांजेकर, आदी मान्यवर उपस्थित होते.
