हिंगणघाट: युवा किंग कलार समाजा तर्फे रुग्णमित्र गजू कुबडे यांचा सत्कार.
✒प्रा.अक्षय पेटकर✒
वर्धा जिल्हा ग्रामीण प्रतिनिधी
📱9604047240
हिंगणघाट:- समाज, जात व धर्म यांच्या पल्याड जाऊन सर्वसामान्य जनतेच्या आरोग्यासाठी सदैव कटिबद्ध असलेल्या रुग्णमित्र गजू कुबडे यांच्या रुग्णससेवेचा सत्कार आज दि ६ फेब्रुवारीला युवा किंग कलार समाजा तर्फ़े सत्कार करून निःस्वार्थ समाजसेवेला जातीची बंधने नसतात हे दाखवून दिले. शिवसुमन मंगल कार्यालय येथे आज सकाळी 11 वाजता समाजाचे अकोला येथील ज्येष्ठ नागरिक भय्यासाहेब उजवणे यांचे हस्ते सत्कार करण्यात आला.
याप्रसंगी व्यासपिठावर कार्यक्रमाचे अध्यक्ष नागपूरचे उद्योजक विलास डगवार हे होते. तर प्रमुख पाहुणे म्हणून शेडगाव येथील संत गजानन महाराज मंदिरचे संस्थापक अध्यक्ष ह.भ.प लक्ष्मणराव गुडवार महाराज, ज्ञानेश्वर पहाडे वर्धा, डॉ. बी. आर काकपुरे नागपूर, सुनील भाऊ खराटे अमरावती, माजी नगरसेवक चंद्रकांत माळवे, समुद्रपूर नगर पालिकेचे नवनिर्वाचित नगरसेवक प्रदीप डगवार व ललित डगवार हे ऊपस्थित होते.
यावेळी वक्त्यांनी रुग्णमित्र गजुभाऊ कुबडे यांच्या रुग्णसेवेच्या कार्याचा मुक्त कंठाने गौरव केला व त्यांना शाल, श्रीफळ व मानपत्र देऊन गौरव केला व त्यांच्या पुढिल कार्याला शुभेच्छा दिल्या.
