शेतकऱ्यांनी शेतकरी ओळख क्रमांकासाठी नोंदणी करावी; केवायसी पासून होणार सुटका..

शेतकऱ्यांनी शेतकरी ओळख क्रमांकासाठी नोंदणी करावी; केवायसी पासून होणार सुटका..

जितेंद्र नागदेवते
सिंदेवाही प्रतिनिधी
8806689909 -:-

सिंदेवाही :- शासनाच्याविविध कृषीसंलग्न योजनांचा लाभ पात्र शेतकऱ्यांपर्यंत जलदगतीने व अधिक प्रभावीपणे पोहोचवण्यासाठी ऍग्रीस्टॅक योजनेंतर्गत शेतकऱ्यांना शेतकरी ओळख क्रमांक दिला जात आहे. तरी सिंदेवाही तालुक्यातील जास्तीत जास्त शेतकऱ्यांनी लवकरात लवकर नजीकच्या नागरी सुविधा केंद्रावर (सिएससी सेंटर) नोंदणी करून शेतकरी ओळख क्रमांक प्राप्त करण्याचे आवाहन सिंदेवाही तहसीलदार संदीप पानंमद यांनी केले आहे. तसेच याकरिता सिंदेवाही तालुक्यातील प्रत्येक गावात शिबिराचे आयोजन करण्यात आले असून तहसील कार्यालय सिंदेवाही येथे सुद्धा ऍग्रीस्टॅक योजनेंतर्गत नोंदणीसाठी शेतकऱ्याकरिता स्वतंत्र मदत कक्ष निर्माण करण्यात आला आहे.
—-
*मंगेश तुमराम नायब तहसीलदार सिंदेवाही*
— फार्मर आयडी (शेतकरी ओळख क्रमांक) का आवश्यक आहे?
ऍग्रीस्टॅक योजनेत नोंदणी केल्याने शेतकऱ्यांना पीक विमा, पीक कर्ज, पीएम किसान सन्मान निधी आणि विविध सरकारी अनुदान योजनांचा लाभसहज मिळू शकतो. या आयडीच्या मदतीने शेतकऱ्यांना वारंवार प्रमाणिकरण (E-KYC) करण्याची गरज राहणार नाही.