जय श्रीराम मंदिर विद्यानगर (कुर्झा)ब्रम्हपुरी तर्फे रक्तदान शिबीराचे यशस्वी आयोजन*
दोनशे पलीकडे नागरिकांची रक्तगट तपासणी,नवयुवकांचा उत्स्फूर्त सहभाग.
दोनशे पलीकडे नागरिकांची रक्तगट तपासणी,नवयुवकांचा उत्स्फूर्त सहभाग.
✒क्रिष्णा वैद्य✒
चंद्रपूर जिल्हा विशेष प्रतिनिधी
9545462500
ब्रम्हपुरी :- येथील कुर्झा वार्ड विद्यानगरातील युवकांनी एकत्रित होऊन “जय श्रीराम मंदिर” ची निर्मिती केली व लोकांसमोर आदर्श निर्माण करत मूर्तिपूजेसह मानवसेवेला महत्व देत विविध समाजउपयोगी उपक्रम राबवित आहेत याच कार्याचा एक भाग म्हणून गरीब व गरजूना रक्ताचा तुटवडा भासू नये, गरजेच्या वेळेस मागेल त्याला रक्त उपलब्ध व्हावे रक्ताच्या तुटवड्यामुळे कोणाला जीव गमवावा लागू नये या उदात्त हेतूने जय श्रीराम मंदिर विद्यानगर (कुर्झा वार्ड) ब्रह्मपुरी तर्फे 06/11/2021 शनिवार ला खास दीपावली शुभपर्वावर, जीवन ज्योती ब्लड बँक ब्रह्मपुरी व स्वप्नपूर्ती रक्त सेवा विद्यानगर (कुर्झा) यांच्या वतीने “रक्तगट तपासणी व रक्तदान शिबिर आयोजित करण्यात आले .
रक्तदान शिबिराच्या उद्घाटन प्रसंगी कार्यक्रमाला उपस्थित नियोजित पाहुण्यांसमक्ष कार्यक्रमाचे प्रास्ताविक करताना जय श्रीराम मंदिर समितीचे सचिव श्री सुभाष माहोरे यांनी ‘रक्तदान हा शब्द बोलायला खूप सोपा आहे पण किती जण आपले कर्तव्य पार पाडत असतील…? असा भावनिक प्रश्न मांडला तर कार्यक्रमाला उपस्थित मान्यवरांनी “रक्तदान सर्वश्रेष्ठ दान” असल्याचे सांगत उपस्थितांना त्याचे महत्त्व पटवून दिले.
वार्डातील दोनशे पलीकडील नागरिकांनी रक्तगट तपासणी कार्यक्रमादरम्यान आपले रक्तगट जाणून घेतले तर 20 ते 60 वयोगटातील तीस नागरिकांनी रक्तदान शिबिरामध्ये रक्तदान केले त्यात प्रथम रक्तदान करणाऱ्यांची संख्या अधिक होती सदर रक्तदान शिबीर कार्यक्रमाला हितायु लोकसेवा बहुउद्देशीय संस्था ब्रह्मपुरी, वार्डातील नगरसेवक श्री सागरजी आमले व प्रा. सुयोगजी बाळबुधे यांच्या तर्फे विशेष सहकार्य लाभले
