चंद्रपुर जिल्ह्यामध्ये रेमीडिसविर व ऑक्सीजन मुबलक प्रमाणात उपलब्ध.
✒मनोज खोब्रागडे✒
चंद्रपूर / गडचिरोली जिल्हा प्रतिनिधी
चंद्रपुर दि. 8 एप्रिल:- जिल्ह्यामध्ये कोव्हिड-19 या विषाणुवरील प्रतिबंधात्मक लस रेमीडिसविर औषध व ऑक्सीजन हे मुबलक प्रमाणात बाजारात उपलब्ध आहे. तसेच सर्व केमीस्ट अॅन्ड ड्रगीस्ट यांना प्रशासनाकडून रेमिडिसविर या औषधाचा काळा बाजार करु नये अन्यथा या प्रशासनातर्फे औषधे सौंदर्य प्रसाधने कायदा, 1940 व त्याखालील नियमांतर्गत कारवाई घेण्यात येईल अशी ताकीद देण्यात आली आहे.
रेमिडिसविर या औषधाचा काळा बाजार करतांना कोणी आढळल्यास त्याबाबत अन्न व औषध प्रशासन, चंद्रपूर या कार्यालयात तक्रार करावी व कोणताही अपप्रकारास बळी पडू नये, असे आवाहन अन्न व औषध प्रशासनचे सहायक आयुक्त नि.दि. मोहिते यांनी केले आहे.
