धक्कादायक!
तीन बालकांचा वर्धा नदीत बुडून अद्यापही बेपत्ता शोध मोहीम सुरू
• खेकडे पकडण्यास जाणे बेतले जिवावर
•पाचव्या वर्गातील तीन बालकांचा वर्धा नदीत बुडून अद्याप ही बेपत्ता; तोहोगावात शोककळा
🖋️ अश्विन गोडबोले
चंद्रपूर जिल्हा प्रतिनिधी
📱 8830857351
चंद्रपूर : 8 जुलै : – खेकडे पकडण्यास जाणे पाचव्या वर्गातील तीन बालकांच्या जिवावर बेतले असून वर्धा नदीत तिघांचा बुडून अद्यापही बेपत्ता शोध मोहीम सुरू आहे पण दुर्दैवी घटना गोंडपिपरी तालुक्यातील तोहोगावात घडली. यामुळे संपूर्ण गावात शोककळा पसरली आहे.
शाळा सुटल्यानंतर वर्धा नदीपात्रात खेकडे पकडण्यासाठी गेलेल्या पाचव्या वर्गातील तीन शाळकरी मित्रांचा बुडून बेपत्ता झाल्याची घटना शनिवारी दुपारी घडली. प्रतिक नेताजी जुनघरे (११), निर्दाेष ईश्वर रंगारी (११), बन्नी सुरेश रायपुरे (११) अशी बालकांची नावे आहेत.
प्रतिक, निर्दाेष, बन्नी यांच्यासह चांदेकर नामक हे चौघे बालक सकाळी शाळा संपल्यानंतर दुपारी खेकडे पकडण्यासाठी वर्धा नदीपात्रावर गेले होते. त्यानंतर प्रतिक, निर्दाेष, बन्नी हे तिघेही पाण्यात उतरले मात्र, त्यांना पाण्याचा अंदाज न आल्याने ते बुडू लागले. हे बाहेर उभ्या असलेल्या चांदेकर नामक बालकाच्या लक्षात येताच त्याने भीतीपोटे थेट गाव गाठत घटनेची माहिती ग्रामस्थांना दिली. यानंतर संपूर्ण गाव वर्धा नदीपात्राजवळ जमा झाले. घटनेची माहिती कोठारी पोलिसांना देण्यात आली असून . पोलिसांचे पथक व बचावपथक बालकांचा शोध घेत आहेत. वृत्त लिहेपर्यंत बालकांचा शोध लागला नव्हता.
