महापालिकेच्या निवडणुकीच्या तोंडावर मुंबईत शिवसेना जोरात! भाजप कोमात.
सायन कोळीवाड्यातील माजी नगरसेवक प्रेसिला कदम कदम जी आणि अनिल कदम यांनी शिवसेना पक्षप्रमुख, मुख्यमंत्री उद्धव बाळासाहेब ठाकरे यांच्या हस्ते शिवबंधन बांधून शिवसेनेत जाहीर प्रवेश केला.
मुख्यमंत्री उद्धव ठाकरे यांनी अनिल कदम याना शिवबंधन बांधले.
दयानंद सावंत प्रतिनिधी
मुंबई:- महापालिकेच्या निवडणुकीच्या तोंडावर भाजपला धक्के देण्याची मालिका शिवसेनेने सुरूच ठेवली आहे. अन्य पक्षांतील पदाधिकाऱ्यांना प्रवेश देतानाच वेगवेगळ्या कारणांनी पक्षापासून दूर गेलेल्या जुन्या शिवसैनिकांनाही पुन्हा स्वगृही परत आणण्यासाठी शिवसेनेनं प्रयत्न सुरू केले आहेत. या प्रयत्नांना यश मिळत असल्याचे सोमवारी दिसून आले. भाजपचे आमदार कालिदास कोळंबकर यांचे कट्टर समर्थक अनिल कदम आणि माजी नगरसेविका प्रेसिला कदम यांनी सोमवारी शिवसेनेत प्रवेश केला. शिवसेना पक्षप्रमुख आणि मुख्यमंत्री उद्धव ठाकरे यांनी या दोघांनाही शिवबंधन बांधले.
मुख्यमंत्री उद्धव ठाकरे यांनी प्रेसिला कदम याना शिवबंधन बांधले.
नुकतेच माजी आमदार कृष्णा हेगडे, हेमेंद्र मेहता यांनी शिवबंधन बांधले. त्या पाठोपाठ कोळंबकर यांचे समर्थक मानले जाणारे अँटॉप हिल वडाळा (पूर्व) येथील अनिल कदम आणि दोन वेळा नगरसेविका राहिलेल्या प्रेसिला कदम यांनी शिवसेनेत प्रवेश केला. त्यांच्यासोबत भाजपप्रणित बेस्ट संघटनेचे कार्याध्यक्ष विवेक घोलप यांनीही सेनेत प्रवेश केला. यावेळी विभागप्रमुख मंगेश सातमकर, युवासेना सचिव वरुण सरदेसाई आणि नगरसेवक अमेय घोले उपस्थित होते.
मुख्यमंत्री उद्धव ठाकरे यांनी प्रेसिला कदम याना शिवबंधन बांधले.
