हिंगणघाट तालुक्यातील येरला येथील जिनिंगला भीषण आग.
✒आशीष अंबादे, वर्धा जिल्हा प्रतिनिधी ✒
हिंगणघाट:- तालुक्यातील गिमाटेक्स इंडस्ट्रीजच्या राष्ट्रीय महामार्गावरील येरला येथील जिनिंगला आज अचानक आग लागून तेथे असलेल्या साहित्याचे तसेच वास्तुचे मोठ्या प्रमाणात नुकसान झाले. जीनिंगचे परिसरात ठेऊन असलेल्या 7500 कापसाच्या गाठी 500 टन सरकी तसेच तेथील मशीनरी साहित्य लागलेल्या भीषण आगीत राख झाले असून व्यवस्थापनाच्या वतीने सुमारे 25 करोड़ रूपयाचे नुकसान झाल्याची माहिती देण्यात आली. सदर आग आज दुपारी अंदाजे 2 चे दरम्यान आग लागली असून आगीने लगेच रौद्ररूप धारण केले.
आगीची माहिती मिळताच वडनेर पोलिस घटनास्थळी पोचली असून आग आटोक्याट आणण्यासाठी अग्निशमन सेवेला पाचारण करण्यात आले. घटनेची माहिती मिळताच गिमाटेक्स इंडस्ट्रीजचे हिंगणघाट येथील काही वरिष्ठ अधिकारीसुद्धा घटनास्थळी पोचले असल्याची माहिती आहे. सदर घटना शार्टसर्किट मुळे घडली असल्याचा अंदाज व्यक्त करण्यात येत आहे.
