सत्कारातून गुणवंत विद्यार्थ्यांना सकारात्मक ऊर्जा मिळते.
— आमदार सुभाष धोटे.
इन्फट कान्वेंट येथे इयत्ता १० वी च्या गुणवंत विद्यार्थ्यांचा सत्कार.
— आमदार सुभाष धोटे.
इन्फट कान्वेंट येथे इयत्ता १० वी च्या गुणवंत विद्यार्थ्यांचा सत्कार.
✍संतोष मेश्राम✍
चंद्रपूर जिल्हा प्रतिनिधी
( ग्रामीण )-9923497800
राजुरा:– नुकत्याच जाहीर झालेल्या इयत्ता १० वी च्या निकालात उल्लेखनीय कामगिरी करणाऱ्या इन्फट जिसस इंग्लिश पब्लिक हायस्कूल राजुराच्या गुणवंत विद्यार्थ्यांचा सत्कार आज आमदार सुभाष धोटे आणि उपस्थित मान्यवरांचे हस्ते करण्यात आला. यात ९५. ४० % घेऊन इन्फंट कान्व्हेंट मधून प्रथम येणाऱ्या कु. आस्था गोरे व कु. श्रृती पुणेकर, ९४. २० % घेऊन द्वितीय येणारी कु. पुनम कोरडे आणि ९०. ६० % घेऊन तृतीय येणारी कु. पुर्वा शदारपवार यासह सर्व गुणवंत विद्यार्थ्यांचा सत्कार करण्यात आला.
या प्रसंगी अध्यक्षीय मार्गदर्शन करताना आमदार सुभाष धोटे म्हणाले की सत्कारातून गुणवंत विद्यार्थ्यांना सकारात्मक ऊर्जा मिळते. आपल्या यशाची दखल घेतली जाते. आपण आनखी सातत्यपूर्ण परिश्रमाने मोठे यश मिळवावे अशी प्रेरणा मिळते. विद्यार्थ्यी जीवनातील यश पुढे आयुष्यभर निष्ठेने, जिद्दीने काम करण्याचे बळ पुरवते. पुढे हेच विद्यार्थी समाजासाठी, देशासाठी आपले योगदान देतात.
या प्रसंगी आमदार तथा इन्फट जिसस सोसायटीचे अध्यक्ष सुभाष धोटे, शाळेचे संचालक अभिजित धोटे, सीबीएसई शाखेच्या मुख्याध्यापिका मंजुषा अलोने, स्टेट शाखेच्या मुख्याध्यापिका सिमरनकौर भंगू, मुख्याध्यापक रफिक अन्सारी, शाळेचे सर्व शिक्षक, शिक्षकेतर कर्मचारी, पालकवर्ग आणि विद्यार्थी उपस्थित होते.
कार्यक्रमाचे प्रास्ताविक मुख्याध्यापक रफिक अन्सारी यांनी केले. संचालन संतोष सागर यांनी तर आभार प्रदर्शन नसिम शेख यांनी केले. कार्यक्रम यशस्वी करण्यासाठी शाळेच्या सर्व शिक्षक व शिक्षकेतर कर्मचाऱ्यांनी परिश्रम घेतले.
