पेट्रोल डीजेल किंमत: मुंबईत इंधन दर महागले; पेट्रोल शंभरी पार.
विशाल गांगुर्डे, बदलापूर प्रतिनिधी
मोब. नं. : 9768545422
मुंबई :- पेट्रोल-डिझेलच्या वाढत्या दरवाढीमुळे सर्व सामान्य लोकांना महागाईच्या झळा सहन कराव्या लागत आहेत. आज शनिवारी तेल कंपन्यांनी पेट्रोल-डिझेलचे भाव वाढवल्याने आकडा शंभरी पार गेला आहे.
भारतीय पेट्रोलियम वितरण कंपनीने आज ९ आॅक्टोबर रोजी नवे दर जाहीर केले आहेत. IOCL च्या वेबसाइटनुसार, नव्या दरानुसार देशभरात पेट्रोलचे दर ३० पैसे आणि डिझेलचे पैसे ३५ पैसे इतके वाढणार आहे.
देशाच्या राजधानी दिल्लीमध्ये आज पेट्रोल-डिझेलच्या दराने नवे विक्रम केले आहेत. दिल्लीत एक लिटर पेट्रोलची किंमत १०३.८४ रुपये तर एक लिटर डिझेलची किंमत ९२.४७ रुपये वर पोहोचली आहे. याचबरोबर मुंबईत एक लिटर पेट्रोलची किंमत १०९.८३ रुपये आणि एक डिझेलची किंमत १००.२९ झाली आहे.
