💥चंद्रपूर : Big breaking 💥💥 विदर्भ कोकण ग्रामीण बँकेत 1 कोटीचा अपहार

💥चंद्रपूर : Big breaking 💥💥
विदर्भ कोकण ग्रामीण बँकेत 1 कोटीचा अपहार

• तीन अधिकाऱ्यांवर गुन्हा दाखल

🖋️ मीडिया वार्ता वृत्तसेवा
📱 8830857351

भद्रावती : 9 नोव्हेंबर
विदर्भ कोकण ग्रामीण बँकेच्या येथील शाखेत तीन अधिकार्‍यांनी संगनमत करून 36 खातेदारांच्या खात्यातील 1 कोटी 7 लाखांची रक्कम इतर खात्यात परस्पर वळती करून गहाळ केल्याचा प्रकार नुकताच उघडकीस आला. याबाबतच्या तक्रारीवरून पोलिसांनी चौकशी करून, तीन जणांविरूध्द गुन्हा दाखल केला आहे.
रजत बाबुराव ईटनकर, सूरज कुमार साहू, प्रदीप दत्तात्रेय दूधभाते अशी आरोपींची नावे आहेत. तर विदर्भ कोकण ग्रामीण बँकचे शाखा व्यवस्थापक अमोल प्रकाश कठाळे असे फिर्यादीचे नाव आहे. शाखा व्यवस्थापक अमोल यांचा 1 सप्टेंबर रोजी अपघात झाल्याने ते दीड महिना गैरहजर होते. त्या काळात बँकेचे मुख्य अधिकारी म्हणून रजत ईटणकर यांना भद्रावती शाखेची जबाबदारी देण्यात आली होती. पार्वता काकडे या खातेदाराच्या खात्यातून 3 लाख 50 हजार काढल्याची तक्रार बँकेच्या वरिष्ठ अधिकार्‍यांना प्राप्त झाली. त्यानंतर या प्रकरणाबाबत चौकशी केली असता रजत याने शेगाव शाखेमध्ये कार्यरत असताना तिथूनच गहाळ केली होती. या घटनेची तक्रार शेगाव पोलिस ठाण्यातसुद्धा दाखल झाली आहे. बँकेचे अधिकारी रजत ईटणकर यांच्यावर बँकेच्या वरिष्ठ अधिकार्‍याला संशय आल्याने भद्रावती शाखेच्या इतर खातेदाराच्या खात्याची तपासणी केली असता ऑगस्ट 2024 ते ऑक्टोबर 2024 पर्यंत एकूण 36 खातेदाराच्या खात्यातून 1 कोटी 7 लाख गहाळ झाल्याचे उघडकीस आले व ही रक्कम रजत ईटणकर याने आपल्या बँकेचे अधिकारी असलेले दोन मित्र यांच्या संगनमताने आरटीजीएस, नेफ्ट व रोख द्वारे गहाळ केल्याचे पुढे आले. हा सर्व प्रकार लक्षात येताच बँकेच्या शाखा व्यवस्थापकांनी भद्रावती पोलिसात तक्रार दाखल केली असता चौकशीअंती या प्रकरणात सहभाग असलेल्या तीन अधिकार्‍यांवर विविध कलमान्वये गुन्हे दाखल करण्यात आले असून, पुढील तपास पोलिस करीत आहे