विधानसभा सार्वत्रिक निवडणूक-2024
सायकल रॅलीच्या माध्यमातून 17 नोव्हेंबरला मतदान जनजागृती
रॅलीत नागरिकांना सहभागी होण्याचे आवाहन
मनोज एल खोब्रागडे
✍️सह संपादक✍️
मो8208166961
परभणी, दि.09 :- विधानसभा सार्वत्रिक निवडणूक-2024 च्या पार्श्वभूमीवर स्वीप अंतर्गत मतदान जनजागृतीसाठी 17 नोव्हेंबर रोजी सकाळी 8 वाजता सायकल रॅलीचे आयोजन करण्यात आले असून या सायकल रॅलीमध्ये जास्तीत जास्त नागरिकांनी सहभाग नोंदवावा असे आवाहन जिल्हाधिकारी तथा जिल्हा निवडणूक अधिकारी रघुनाथ गावडे यांनी केले आहे.
सायकल रॅलीची सुरुवात सकाळी 8 वाजता जिल्हाधिकारी कार्यालय पासून ते पुढे बसस्टँड-उड्डान पुल-ज्ञानोपासक महाविद्यालय-रायगड कॉर्नर-सिव्हील हॉस्पिटल-शिवाजी चौक-नारायण चाळ-स्टेडियम-छ. शिवाजी पुतळा-वसमत रोड-राजगोपालचारी उद्यान या मार्गाने सावली विश्राम गृह येथे समारोप करण्यात येणार आहे.
सदरील सायकल रॅलीमध्ये सहभाग नोंदविण्यासाठी आपली नावे रणजित काकडे (मो.क्र.9423444467), गणराज येरमळ (मो.क्र.8975950690), महेश देशमुख (मो.क्र. 8459973908), प्रवीण वायकोस (मो.क्र.9552239003) यांच्याकडे 15 नोव्हेंबर, 2024 पर्यंत नोंदवावीत. प्रत्येक सहभागी नागरिकास निवडणूक विभागातर्फे प्रमाणपत्र देण्यात येणार असल्याचेही कळविले आहे.
