रिपब्लिकन सामाजिक संस्था महाराष्ट्र, महामाता रमाबाई आंबेडकर यांच्या 123 व्या जयंती प्रित्यर्थ “महामाता रमाईची लेक” 2021 पुरस्कार प्रदान सोहळा संपन्न.
गुणवंत कांबळे – प्रतिनिधी
मुंबई:- कोकणस्थ जनतेच्या न्याय हक्कासाठी लढणारी कोकण रिपब्लिकन सामाजिक संस्था महाराष्ट्र आयोजित महामाता रमाबाई आंबेडकर यांच्या 123 व्या जयंती प्रित्यर्थ सामाजातील उत्कृष्ट सामाजिक बांधिलकीने काम करणाऱ्या पाच भगिनींना “महामाता रमाईची लेक”-2021 गुणगौरव पुरस्कार प्रदान सोहळा रविवार दिनांक 7 फेब्रुवारी रोजी भीमछाया सांस्कृतिक केंद्र, कपिलवस्तु बुध्द विहार, कालिना, सांताक्रुझ पूर्व मुंबई येथे कोकण रिपब्लिकन सामाजिक संस्थेच्यावतीने प्रकाश मोरे यांच्या अध्यक्षतेखाली संपन्न झाला.
दिपीका दिपक चिपळूणकर (सामाजिक), मधुबाला रविंद्र इंदवे (शिक्षण), वनिता गोविंद जाधव (आरोग्य व धार्मिक), सुप्रिया मिलिंद मोहिते (धार्मिक व शैक्षणिक), ऍड.अभया घनश्याम सोनावणे (महिला कायदे विषयक सल्लागार-नोटरी) यांना देऊन सन्मानित करण्यात आले. त्यांना सन्मानित करताना प्रमुख पाहुणे ना.डॉ.रामदासजी आठवले साहेब (सामाजिक न्याय व विशेष सहाय्य राज्यमंत्री भारत सरकार) यांचा हस्ते पुरस्कार देऊन गौरव करण्यात आला. तसेच विशेष कार्यक्रम भीमछाया सांस्कृतिक केंद्र मुंबई बौध्दजन पंचायत समिती गट क्रमांक 22-23 व सांताक्रुझ (पूर्व) विभागातील तमाम आंबेडकरी जनतेच्या वतीने कैलाशचंद्र आव्हाड साहेब (सहाय्यक पोलीस आयुक्त) यांचा सत्कार करण्यात आला.
गुणवंत कांबळे – प्रतिनिधी