20 वर्षीय मुलीवर धावत्या कारमध्ये 11 नरधमानी केला सामूहिक बलात्कार.
✒क्राईम रिपोर्टर✒
जयपूर,दि.10 मार्च:- आज देशात महिला अत्याचार मोठ्या प्रमाणात वाढत असल्याचे दिसून येत आहे. रोज हजारो मुली आणि महीलेवर अत्याचार झाल्याच्या घटनमुळे समाजमन शुन्य होऊन जाते अशीच एक घटना राजस्थान मधून समोर येत आहे. सोशल मीडियावर व्हायरल झालेल्या एका व्हिडिओने राजस्थानच्या जयपूरमधील सामूहिक बलात्कार प्रकरणाला वाचा फोडली आहे. ही घटना 16 महिन्यांपूर्वी घडली होती. युपी मध्ये राहणा-या 20 वर्षीय मुलीवर धावत्या कारमध्ये 11 नराधमाने सामूहिक बलात्कार केला होता. या घटनेत तीन कारचा वापर झाला होता. तर एकूण 11 आरोपी त्यात सामील होते.
या घृणास्पद कृत्याचा आरोपींनी व्हिडिओही काढला होता. तो सोशल मीडियावर व्हायरल झाला. या घटनेचा तपास केला असता, ती राजस्थानची राजधानी जयपूरमध्ये घडल्याचे उघडकीस आले.
जयपूर पोलिसांना सोशल मीडियावर व्हायरल झालेल्या व्हिडिओविषयी माहिती मिळाल्यानंतर, त्यांनी अवघ्या 36 तासांत तपास करून उत्तर प्रदेशातील पीडितेचा शोध घेतला आणि तिला जयपूरला बोलावून घेतले. तिच्या माहितीवरून पोलिसांनी गुन्हा दाखल केला आहे.
पीडित तरुणीचा जबाब नोंदवून घेतला आहे. त्यानंतर मिळालेल्या माहितीच्या आधारे मुख्य आरोपीला मध्य प्रदेशातील इंदूरमधून ताब्यात घेतले. बलात्कारावेळी व्हिडिओ काढणाऱ्या आरोपींनाही अटक करण्यात आली आहे. ही घटना जयपूरच्या मानसरोवर परिसरात घडली. पोलिसांच्या माहितीनुसार, हा व्हिडिओ 19 ऑक्टोबर 2020 रोजी काढलेला आहे. तो 6 मार्च 2021 रोजी तो व्हायरल झाला होता.
पोलीसचा माहितीनुसार, पीडितेवर सामूहिक अत्याचार करणाऱ्यांनी तिला धमकावले होते. त्यामुळे तिने याबाबत कुठेही वाचता केली नाही. ती आपल्या घरी परतली होती. मिळालेल्या माहितीनुसार, पीडित तरुणी मुख्य आरोपीच्या संपर्कात आली होती. त्याने मानसरोवर परिसरातील एका हॉटेलवर आपल्या दुचाकीवरून तिला नेले होते. त्यानंतर दोघेही एका कारमध्ये बसले. त्यात आधीच चार जण होते. तर त्या कारच्या पाठिमागे आणखी तीन कार होत्या. त्यातील आरोपी हे मुख्य आरोपीच्या ओळखीचे होते.
