राजुरा तालुक्यातील चुनाळा ग्राम पंचायतमध्ये कोविड 19 लसीकरण बाबत आढावा बैठक.
✒संतोष मेश्राम, राजुरा तालुका प्रतिनिधी✒
राजुरा:- पंचायत समिती राजुरा अंतर्गत येणा-या ग्राम पंचायत चुनाळाच्या वतीने आरोग्य वर्धिनी प्राथमिक आरोग्य उपकेंद्र चुनाळा अंतर्गत कोविड-19, या कोरोना आजाराचे लसीकरण 100 टक्के करण्याकरिता ग्राम पंचायत सदस्य, जिल्हा परिषद शाळेचे शिक्षक, अंगणवाडी वर्कर, आशा वर्कर, आरोग्य कर्मचारी, महिला बचत गट प्रमुख, तंटामुक्त समिती सदस्य, शा.व्य.स.सदस्य व गावातील प्रतिष्ठित नागरिकांच्या उपस्थितीत मंगळवार दि.8.6.2021 रोजी सांस्कृतिक भवन ग्रा.पं.चुनाळा येथे आढावा बैठकीचे आयोजन करण्यात आले. बैठकीला माजी आमदार सुदर्शन निमकर, गट विकास अधिकारी ओमप्रकाश रामावत, पंचायत समिती सदस्य तुकाराम माणुसमारे, सरपंच बाळू वडस्कर, बाल विकास प्रकल्प अधिकारी वैशाली सलाटे, माजी सरपंच संजय पावडे, तालुका आरोग्य अधिकारी कार्यालयाचे श्री इंगळे, श्री टेकाम, ग्राम पंचायतचे सर्व सदस्य, पोलीस पाटील रमेश निमकर, तंटामुक्त समिती अध्यक्ष मनोहर निमकर, ग्राम विकास अधिकारी व मान्यवर उपस्थित होते. सरपंच बाळू वडस्कर यांनी प्रास्ताविकात 45 वर्षा वरील नागरिकांचे आज पर्यंत 50 टक्के लसीकरण झाल्याचे सांगून 100 टक्के लसीकरण करण्यासाठी सर्वांनी सहकार्य करण्याचे आवाहन केले. या प्रसंगी गट विकास अधिकारी डॉ. ओमप्रकाश रामावत व माजी आमदार सुदर्शन निमकर यांनी मोलाचे मार्गदर्शन केले.उपस्थित मान्यवरांनी सुध्दा आपले मनोगत व्यक्त केले.कार्यक्रमातील सर्व उपस्थितांना फेस मास्क चे वितरण पाहुण्यांच्या हस्ते करण्यात आले. कार्यक्रम यशस्वी करण्याकरिता ग्राम पंचायतचे सदस्य व ग्राम पंचायतचे कर्मचारी यांनी परिश्रम घेतले.
