✒️MVN क्राईम रिपोर्टर✒️
नाशिक,दि.10 ऑगस्ट:- नाशिक मधुन एक धक्कादायक बातमी समोर आली आहे. आपला मुलगा ऑनलाइन अभ्यास करत नसल्याचा राग अनावर झाल्याने आईने आपल्याच पोटच्या मुलाचा उशीने तोंड दाबून हत्या केली त्यानंतर स्वतःही घेतला गळफास लावून आत्महत्या केल्याच्या घटनेमुळे संपूर्ण नाशिक जिल्हा हादळला आहे.
नाशिक येथील पाथर्डी फाटा परिसरातील राहत असलेल्या एका महिलेने आपल्या राहत्या घरात आपल्या मुलाची हत्या केल्या नंतर त्या महिलेनेही गळफास घेत आत्महत्या केली आहे. पोलिसांना साडेतीन वर्षीय मुलाचा देखील मृतदेह घरात आढळून आला आहे. दरम्यान, मुलाची हत्या केल्या नंतर महिलेने आत्महत्या केली, अशी शक्यता पोलिसांनी वर्तवली आहे.
पोलिसांन कडुन प्राप्त माहितीनुसार, पाथर्डी फाटा परिसरात राहणा-या शिखा सागर पाठक वय 32 वर्ष यांनी सोमवारी त्यांच्या राहत्या घरात आई-वडील हॉलमध्ये बसलेले असताना बेडरुमचा दरवाजा बंद करून गळफास घेऊन आत्महत्या केली. आत्महत्या करण्यापूर्वी मुलगा रिधानचा उशीने तोंड दाबून खून केला असल्याचा अंदाज पोलिसांनी वर्तवला आहे.
मुलगा ऑनलाईन अभ्यास करत नसल्याने आईने त्याची हत्या केली. नंतर स्वत: देखील आत्महत्या केल्याचा संशय पोलिसांनी व्यक्त केला आहे. घटनास्थळी सुसाईड नोट सापडली आहे. मृतदेहाजवळ ही सुसाईड नोट आढळून आली आहे. या सुसाईड नोटमध्ये माझ्या मृत्यूला कोणालाही जबाबदार धरु नये, असं मृतक महिलेने लिहिलं आहे. पोलिसांनी दोन्ही मृतदेह शवविच्छेदनासाठी शासकीय रुग्णालयात पाठविले आहे. पुढील तपज़ पोलीस करत आहे.
