सोलापूर मध्ये एकाच परिवारातील तलावात बुडून मृत्यू. मृत मध्ये एक महिला दोन पुरुष.

सोलापूर मध्ये एकाच परिवारातील तलावात बुडून मृत्यू. मृत मध्ये एक महिला दोन पुरुष.

✒प्रवीण वाघमारे✒
सोलापूर प्रतिनिधी
9923456641
सोलापूर:- सोलापुर मधून एक दुर्दैवी आणि खळबळजनक बातमी समोर आली आहे. सोलापूर मधील दावल मलिक दर्गा तलावात बुडून एकाच कुटुंबातील तिघांचा मृत्यू झाल्याने सर्वीकडे हळहळ व्यक्त करण्यात येत आहे.

दक्षिण सोलापूर तालुक्यातील बोरामणी परिसरात असलेल्या दावल मलिक दर्गा येथे तलावात बुडून तीन जणांचा मृत्यू झाला आहे. हे तिघेही एकाच कुटुंबातील होते. पाण्याच्या खोलीचा अंदाज न आल्याने हे तिघे बुडाले.

रिदाना तौफिक शेख वय 35 वर्ष, यासीन हारून शेख वय 35 वर्ष, मोहम्मद हारून सलीम शेख वय 41 वर्ष, सर्व रा. कुंभारी नवीन विडी घरकुल, ता. दक्षिण सोलापूर अशी सर्व मृत्यु पावलेल्या इसमाची नावे आहेत. हे तिघेजण धार्मिक कार्यासाठी बोरामणी येथील दावल मलिक दर्गा येथे गेले होते. धार्मिक कार्य उरकून परत येत असताना ते दुपारी जवळच असलेल्या तलावात गेले. तेथे पाण्याचा अंदाज न आल्याने तिघेजण पाण्यात बुडाले.

तलावाजवळच असलेल्या ग्रामस्थांनी तिघांनाही पाण्याबाहेर काढले असता ते बेशुद्धावस्थेत होते. याबाबत सोलापूर तालुका पोलिसांना कळवल्यानंतर पोलीस निरीक्षक अरुण फुगे आणि त्यांचे पोलीस अधिकारी व कर्मचारी हे घटनास्थळी दाखल झाले. त्यांनी पंचनामा केला आणि तिघांना उपचारासाठी शासकीय रुग्णालयात दाखल केले परंतु, उपचारापुर्वीच त्या तिघांचा मृत्यू झाल्याचे डॉक्टरांनी सांगितले. याबाबत सोलापूर तालुका पोलीस ठाण्यात नोंद झाली असून पुढील तपास पोलीस करीत आहेत.