नागपुर वेश्या व्यवसायासाठी प्रसिद्ध असलेल्या गंगा जमुना बाबत भाजपाचा गंभीर आरोप
=== मुख्य मुद्दे ===
● गंगा जमुना वस्तीत छुपं तळघर अन् भुयारी मार्ग.
● अल्पवयीन मुलींना डांबून ठेवलं जातं.
● 13 ते 14 वर्षांच्या मुलींना हार्मोनचं इंजेक्शन देऊन कोवळ्या वयातच शारीरिकदृष्ट्या देह व्यापारासाठी तयार केलं जातं.
● भाजपाचा गंभीर आरोप
✒️ युवराज मेश्राम ✒️
नागपुर जिल्हा प्रतिनिधी
9923296442
नागपूर :- नागपूर येथील वेश्या व्यवसायाकरिता प्रसिद्ध असलेल्या गंगा जमुना या वस्तीतल्या 188 कुंटणखाण्यात छुपं तळघर आणि भुयारी मार्ग असून त्या ठिकाणी अनेक अल्पवयीन मुलींना डांबून ठेवलं जातं. परराज्यातून अपहरण करून किंवा फसवून आणलेल्या 13 ते 14 वर्षांच्या मुलींना हार्मोनचं इंजेक्शन देऊन कोवळ्या वयातच शारीरिकदृष्ट्या देह व्यापारासाठी तयार केलं जातं. अनेक महिने अंधारलेल्या तळघरात ठेऊन या मुलींना मानसिकरीत्या देह व्यापारासाठी मजबूर केलं जातं, असे गंभीर आरोप भाजपनं केले आहेत. त्यामुळे गंगा जमुना या वस्तीचा वाद पेटला आहे. मोठ्या प्रमाणात असलेल्या कुंटणखान्यांच्या आत लपलेल्या या तळघरांना पोलिसांनी उध्वस्त करावं, अशी मागणीही भारतिय जनता पार्टीने केली आहे.
या वारांगणांचं नेतृत्व करणाऱ्या ज्वाला धोटे यांनी अशा तळघरांचा आरोप बिनबुडाचा असल्याचं सांगत आरोप करणारे भाजपवाले आजवर झोपले होते का? त्यांचे सरकार असताना हे कुंटणखाने आणि अल्पवयीन मुलींना डांबण्यासाठी असलेले तळघर त्यांना दिसले नाही का? असा सवाल करत परत वार केला आहे.
माघील काही दिवसापासून गंगा जमुना वस्तीचा वाद पेटला आहे. वारांगणा तर्फे या पुर्वी आंदोलन करण्यात आले होते. पण यांच्या आंदोलनाला न जुमानता पोलिसांनी आतापर्यंत 7 कुंटणखाने सील केले असून इतर ठिकाणी पुन्हा देह व्यापार दिसून आल्यास कारवाई करण्याचा इशारा दिला आहे.
नागपूरच्या मध्यस्थानी वसलेली ही गंगा जमुना वस्ती. वरकरणी इतर कोणत्याही सामान्य वस्ती सारख्या दिसणाऱ्या या वस्तीतील प्रशस्त इमारतीत माणुसकीला काळिमा फासणारे धंदे चालत असल्याचे आरोप होत आहेत. गंगा जमुना वस्तीच्या अवतीभवती राहणारे नागरिक आणि लोकप्रतिनिधींनी या इमारतींमध्ये अनेक कुंटणखाने असून त्यांच्या खाली छुपे तळघर आणि भुयारी मार्ग आहेत. या तळघरात परराज्यातून अपहरण करून आणलेल्या किंवा गरीब पालकांकडून खरेदी केलेल्या शेकडो अल्पवयीन मुलींना डांबून ठेऊन त्यांना मारहाण केली जाते. एवढंच नाहीतर या अल्पवयीन मुली कोवळ्या वयात देह व्यवसायासाठी शारीरिक दृष्ट्या तयार व्हाव्यात यासाठी त्यांना हार्मोनचं इंजेक्शन दिलं जात असल्याचा गंभीर आरोप भाजापनं केला आहे. प्रत्येक अल्पवयीन मुलीला जोवर ती देह व्यवसायासाठी होकार देत नाही, तोवर शारीरिक यातना देऊन अंधारात डांबलं जातं. तिचं मानसिक खच्चीकरण करत तिला होकार देण्यासाठी मजबूर केलं जात असल्याचा आरोप स्थानिक भाजप नेते आणि याच वस्तीतच्या शेजारी लहानाचे मोठे झालेल्या मनोज चापले यांनी केला आहे. दरम्यान, गंगा जमुनाच्या अवतीभवती राहणाऱ्या सामान्य महिलांनी वस्तीतील वेश्या व्यवसायामुळे आंबट शौकीन आता त्यांच्या घरापर्यंत येऊन तुमचे किती दर (वेश्या व्यवसायसाठी किती दर घेता) आहे, असे विचारू लागल्याचे आरोपही केले आहेत.
