नवी मुंबई पोलिसांनी ऑनलाईन गेमिंगद्वारे ₹८४ कोटींची फसवणूक करणाऱ्या टोळीचा केला पर्दाफाश

नवी मुंबई पोलिसांनी ऑनलाईन गेमिंगद्वारे ₹८४ कोटींची फसवणूक करणाऱ्या टोळीचा केला पर्दाफाश

कृष्णा गायकवाड
प्रतिनिधी

नवी मुंबई: ऑनलाईन गेम प्रकरणी नुकताच दोन माजी भारतीय क्रिकेटपटूंच्या इडी प्रकरण ताजं असतांनाच
नवी मुंबई पोलिसांनी एका मोठ्या सायबर फसवणूक करणाऱ्या आंतरराज्यीय टोळीचा पर्दाफाश केला आहे, ज्यांनी प्रतिबंधित ऑनलाईन गेमिंग ॲप्स आणि इतर फसवणुकीच्या माध्यमातून देशभरातील नागरिकांची सुमारे ८४ कोटी रुपयांची फसवणूक केली होती.

नवी मुंबई गुन्हे शाखेने ही मोठी कारवाई केली.फसवणुकीची रक्कम सुमारे ८४ कोटी रुपये असल्याचं कळतंय.
या टोळीतील १२ आरोपींना नवी मुंबई, डोंबिवली आणि पुणे येथून अटक करण्यात आली आहे.
आरोपी ‘गेम खेळा आणि पैसे दुप्पट करा’ अशा प्रकारचे आमिष दाखवून लोकांना प्रतिबंधित ऑनलाईन गेमिंग ॲप्स (उदा. www.Ramesh247.com, www.upi9.Pro.com आणि www.Reddybook.blue) डाउनलोड करण्यास आणि त्यात पैसे गुंतवण्यास सांगत असत. एकदा पैसे जमा झाल्यावर गेमिंग थांबवले जायचे आणि खाते ब्लॉक केले जायचे.
* बँक खात्यांचा वापर: फसवणुकीसाठी आरोपींनी ८८६ वेगवेगळ्या बँक खात्यांचा वापर केला.
* इतर फसवणूक: आरोपी या खात्यांचा वापर शेअर मार्केटिंग फ्रॉड, जॉब रॅकेटिंग, वर्क फॉर्म होम फ्रॉड अशा विविध सायबर गुन्ह्यांसाठी करत होते.
* गुन्हे उघडकीस: या टोळीच्या अटकेमुळे नॅशनल सायबर क्राईम रिपोर्टिंग पोर्टलवर (NCCRP) दाखल असलेल्या ३९३ तक्रारींचा छडा लागला आहे.
जप्त केलेला मुद्देमाल:
पोलिसांनी आरोपींकडून खालीलप्रमाणे मुद्देमाल जप्त केला आहे, ज्याची एकूण किंमत ₹१८.०५ लाख आहे:
* मोबाईल फोन: ५२
* लॅपटॉप: ०७
* डेबिट कार्डे: ९९ (विविध बँकांची)
* धनादेश पुस्तिका (चेकबुक्स): ६४ (विविध बँकांची)
* वाहन: १ टाटा सफारी स्टॉर्म कार
पोलिसांचे आवाहन:
नवी मुंबई पोलिसांनी नागरिकांना आवाहन केले आहे की, कोणत्याही अनोळखी लिंक, ऑनलाईन गेमिंग ॲप किंवा व्हॉट्सॲप गुंतवणूक गटात सहभागी होऊ नये. अशा प्लॅटफॉर्मवर पैसे कमावण्याचे आमिष दाखवणारे बहुतेक फसवे आणि बेकायदेशीर असतात.