भंडारा जिल्ह्यात शुक्रवारी 68 कोरोना पॉझिटिव्ह रुग्ण
✍मुकेश मेश्राम✍
तालुका प्रतिनिधी लाखणी
जिल्हा भंडारा
📱7620512045📱
लाखणी:-भंडारा जिल्ह्यात शुक्रवारी 68 कोरोना पॉझिटिव्ह रुग्ण आढळले असून आज (दि. 11) बरे झालेल्या रुग्णांची संख्या 194 आहे. शुक्रवारी 2258 व्यक्तींची चाचणी केली असता 68 व्यक्ती पॉझिटिव्ह आढळून आल्या आहे. त्यामुळे जिल्ह्यात आता 607 सक्रिय रुग्ण आहे. सक्रिय असलेल्या 607 बाधित रुग्णापैकी 595 रुग्ण घरीच अलगीकरणात आहेत. आतापर्यंत बरे झालेल्या रुग्णांची संख्या 65874 आहे तर पॉझिटिव्ह रुग्णांची संख्या 68308 झाली आहे. रुग्ण बरे होण्याचे प्रमाण 97.42 टक्के आहे. आतापर्यंत 05 लाख 54 हजार 138 व्यक्तींची तपासणी करण्यात आली. त्यात 67621 व्यक्ती कोरोना पॉझिटिव्ह आढळून आल्या.
कोरोना पॉझिटिव्ह आलेल्यांमध्ये भंडारा तालुक्यातील 8, मोहाडी 08, तुमसर 09, पवनी 08, लाखनी 15, साकोली 12 व लाखांदूर तालुक्यातील 08 व्यक्तींचा समावेश आहे. आतापर्यंत जिल्ह्यात कोरोना पॉझिटिव्ह मृतांची संख्या एकूण 1140 आहे. शासकीय व खाजगी रुग्णालयात बाह्य रुग्ण विभागात येणाऱ्या कोणत्याही तापाच्या रुग्णांची कोविड चाचणी प्रिस्क्राईब करावी, असे निर्देश जिल्हाधिकारी संदीप कदम यांनी दिले आहेत.
