भिवंडी व्हॉट्सअॅपवर स्टेटस ठेवून तरुणाची नदीत उडी मारून आत्महत्या.
✒️अभिजीत सकपाळ भिवंडी प्रतिनिधी✒️
भिवंडी,दि.11मे:- मुंबईच्या भिवंडीतून एक धक्कादायक बातमी समोर आली आहे. त्यामुळे सर्वांचे डोळे प्राणावले. कल्याण पश्चिम परिसरातील बारावे गावचा एका तरुणांने आपल्या मोबाइल फोनच्या व्हॉट्सअॅपवर स्टेटस ठेवून नदीपात्रात उडी घेत आत्महत्या केल्याच समोर येत आहे. ही घटना भिवंडीमध्ये घडली असून मयूर रामा जाधव असे आत्महत्या करणाऱ्या तरुणाचे नाव आहे. कल्याण-पडघा मार्गावरील गांधारी पुलाजवळ सोमवारी ही धक्कादायक घटना घडली. नदीपात्रात शोध सुरु आहे.
कल्याण पश्चिम परिसरातील बारावे या गावात राहणा-या मयूर रामा जाधव हा तरुण आपल्या कुटुंबासह राहत होता. काल सकाळपासूनच तो दारुच्या नशेत होता, असे समोर येत आहे. धक्कादायक म्हणजे आत्महत्या करण्यापूर्वी मयूरने आपल्या मोबाईलवर एक व्हिडीओ बनवला होता. दारु ही माणसाच्या आयुष्यातील सर्वात वाईट गोष्ट असल्याचे तो या व्हिडीओमध्ये बोलत आहे. या व्हिडीओमध्ये त्याने पुढे म्हटलं आहे की, ‘काही गोष्टी अशा घडल्या की आता समोर कोणताच मार्ग दिसत नाही. माझी आठवण जेव्हा काढाल तेव्हा हसून काढा. तुमच्या जीवनातील असा जोकर होता तो, आतून तुटलेला, मात्र तुम्हाला हसवत राहिला, असे म्हणत त्याने गांधारी पुलावरुन नदीपात्रात उडी घेतली.
