मुख्यमंत्री, उपमुख्यमंत्री यांचे पूर परिस्थिती पाहणीसाठी गडचिरोलीला प्रस्थान
🖋 अश्विन गोडबोले
चंद्रपूर महानगर प्रतिनिधी
📞 8830857351
नागपूर,: – दुर्गम अश्या गडचिरोली जिल्ह्यातील पूरस्थितीची पाहणी करण्यासाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे आज दुपारी नागपूर विमानतळावर आगमन झाले. नागपूर व परिसरात मुसळधार पावसामुळे त्यांनी विमानतळ ते गडचिरोली असा रस्त्याने प्रवास केला.तत्पूर्वी विमानतळावर त्यांचे विभागीय आयुक्त माधवी खोडे – चवरे, नागपूर सुधार प्रन्यासचे सभापती मनोज सूर्यवंशी, विशेष पोलीस महानिरिक्षक डॉ. छेरिंग दोरजे, अतिरिक्त पोलीस आयुक्त अश्वती दोरजे, जिल्हा परिषदेचे मुख्य कार्यकारी अधिकारी योगेश कुंभेजकर , पोलीस अधीक्षक विजय मगर यांनी स्वागत केले.विभागीय आयुक्त माधवी खोडे चवरे यांनी त्यांना विमानतळावर पूर्व विदर्भातील पूर परिस्थितीचा आढावा दिला. खराब हवामानामुळे हेलिकॉप्टरऐवजी रस्ते मार्गाने त्यांनी गडचिरोलीकडे प्रयाण केले.
