मुंबई- बॉलिवूड अभिनेता वरुण धवनच्या आगामी ‘ऑक्टोबर’ चित्रपटाचा ट्रेलर प्रदर्शित झाला आहे. २ मिनिट २३ सेकंद असलेल्या या ट्रेलरमध्ये वरुणची भूमिका त्याच्या आधीच्या भूमिकेपेक्षा फारच वेगळी दिसतेय.
‘ऑक्टोबर’ चित्रपटाचे दिग्दर्शक शूजित सरकार असून येत्या १३ एप्रिल रोजी हा चित्रपट प्रदर्शित होणार आहे. हा चित्रपट रोमांटिक नसून प्रेमावर उपस्थित केलेल्या प्रश्नांवर भाष्य करणारा चित्रपट आहे, असे दिग्दर्शक शूजित सरकार यांनी पत्रकारांशी बोलताना सांगितले. चित्रपटातील ट्रेलरच्या सुरुवातीलाच वरुण धवन हॉटेलमधील वेटरच्या भूमिकेत दिसतोय. या चित्रपटात वरुण धवनसोबत बानीता संधू दिसणार आहे. वरुण धवन आणि बानीता संधू ही जोडी प्रथमच प्रेक्षकांसमोर येत आहे.
