मोहता इंडस्ट्रीजच्या कामगारांना लॉक डाउन काळातील वेतन देण्यात यावे.
इंटकचे महामंत्री आफताब खान यांची मागणी.
✒प्रा. अक्षय पेटकर, वर्धा जिल्हा ग्रामीण प्रतिनिधी✒
हिंगणघाट,दि.12 मे :- वर्धा जिल्ह्यात जिल्हाधिकारी यांनी पाच दिवसांचा लॉक-डाऊन लागू केला परंतु यातून जिल्ह्यातील कार्यरत उदयोगांना यातून सूट देण्यात आलेली होती परंतु मोहता इंडस्ट्रीजने या काळात आपला उद्योग बंद ठेवल्याने या पाच दिवसांच्या काळातील कामगारांचे वेतनाची कपात करू न देता कामगारांना या पाच दिवसांचे वेतन देण्यात यावे अशी मागणी राष्ट्रीय मिल मजदूर संघाचे महासचिव आफताब खान यांनी केली आहे.
या संदर्भात प्रकाशनार्थ दिलेल्या निवेदनातून आफताब खान यांनी म्हटले आहे की,वर्धा जिल्हाधिकारी यांनी ५ ते १३ मे पर्यंत लॉक-डाऊन करण्याचा आदेश काढला होता.परंतु या काळात जिल्ह्यातील कार्यरत उद्योगांना या आदेशातून सूट देण्यात आलेली होती परंतु या आदेशाचा चुकीचा अर्थ काढून मोहता इंडस्ट्रीजने हेतुपुरस्सर या लॉक-डाऊनच्या काळात उद्योग बंद करून ६५० कामगारांचे आर्थिक नुकसान करण्याचे षडयंत्र रचले असल्याचे दिसून येत आहे वास्तविक व्यवस्थापकांनी या बाबत नियमानुसार इंटकला सूचना देऊन या कालावधीच्या वेतन नुकसान भरपाई संबंधी पूर्णचर्चा करणे औद्योगिक संबंध व शांततेच्या दृष्टीने बंधनकारक होते.परंतु मोहता इंडस्ट्रीजने तसे न करता या लॉक-डाऊनच्या काळात गिरणी बंद ठेवण्याचा एकांगी निर्णय घेतलेला आहे.
याबाबत जिल्हाधिकारी वर्धा यांनी जिल्ह्यातील इतर उद्योगा प्रमाणे मोहता गिरणी सुरू ठेवण्याचे निर्देश देऊन लॉक-डाऊन च्या काळातील कामगार/कर्मचारी यांचे नुकसान होणार नाही व कामगारांच्या वेतनाचा प्रश्न निकालात काढावा अशी विनंती जिल्हाधिकारी यांना एका निवेदनातून आफताब खान यांनी केली आहे.
