तरुणाच्या पायावरून गेला ट्रक, शहरातील जनता कॉलेज चौकातील घटना
अश्विन गोडबोले
चंद्रपूर जिल्हा प्रतिनिधी
मो: 8830857351
चंद्रपूर ,12 जुलै: शहरातील वर्दळीच्या असलेल्या जनता कॉलेज चौकात दुसऱ्या मार्गाचा गहिरवा सिग्नल सुरू असताना दुचाकीने रस्ता ओलांडणाऱ्या तरुणाच्या पायावरून ट्रक गेला. ही अपघाताची घटना 11 जुलै रोजी मंगळवारी रात्री ८ वाजताच्या सुमारास घडली. अपघातातील गंभीर जखमी युवकाचे नाव कळू शकले नाही.
एक युवक चंद्रपुरातून दुचाकीने जनता कॉलेज चौकात गेला. तेथून त्याला नागपूरकडून येणारा मार्ग ओलांडून उजव्या बाजूने जायचे असल्याने त्याने नागपूर-चंद्रपूर मार्गावरील हिरवा सिग्नल सुरू असतानाच रस्ता ओलांडण्याचा प्रयत्न केला. अशातच विरुद्ध दिशेने इतर वाहणांसोबत एक ट्रकही येत होता. अशातच दुचाकीस्वार त्या ट्रकखाली आला. ट्रक त्याच्या दोन्ही पायावरून गेल्याने तो गंभीर जखमी झाला. परिसरातील नागरिकांनी जखमीला ऑटोतून उपचारासाठी रुग्णालयात हलविले.
