वाघाच्या हल्ल्यात शेतकऱ्याचा मृत्यू…
अश्विन गोडबोले
चंद्रपूर महानगर प्रतिनिधी
मो: 8830856351
चिमूर,12 जुलै: चिमूर तालुक्यातील नेरी वरून जवळच असलेल्या सावरगांव येथील शेतकऱ्यास वाघाने ठार केल्याची घटना उघडकीस आली.
सवीस्तर वृत्त असे की, मौजा सावरगांव येथील शेतकरी ईश्वर कुंभारे (वय ४५ ) हे आपल्या पत्नी सोबत शेतात पऱ्ह्यातील पाणी काढण्यासाठी गेले असता शेत बोडधा बीटातील वनक्षेत्राजवळ लागुन असलेल्या काही अंतरावर त्यांची पत्नी कामासाठी गेली.
लगतच दबा धरून बसलेल्या वाघाने ईश्वर कुंभारे यांच्यावर हल्ला करून त्यांना जागीच ठार केले.पत्नीचे काम संपल्यावर ती परत आपल्या पतीकडे आली असता दुपारी २.३० वाजताच्या सुमारास पत्नीला ही घटना समजली.
घटनेची माहिती नेरीचे वनक्षेत्रसहाय्यक व्हि. एन. रासेकर यांना माहीत होताच तात्काळ त्यांनी घटनास्थळ गाठून घटनेची माहिती घेतली व पंचनामा केला. पुढील तपास सुरू आहे.
