मीडिया वार्ता न्युज तर्फे अष्टविनायका तुझा महिमा कसा. आज सिद्धटेकचा श्री सिद्धीवीनायकाचा महिमा.
सिद्धटेकचा श्री सिद्धीवीनायकाचा गणपती
सिद्धटेक:- महाराष्ट्र राज्यातील पवित्र अशा अष्टविनायकातील तीसरा गणपती म्हणून सिद्धटेकचा श्री सिद्धीविनायक ओळखला जातो. याच्या दर्शनाने आपण भक्ती भावाने अगदी टवटवीट झाल्या सारख होतो. महाराष्ट्राच्या अहमदनगर जिल्हातील असलेल्या श्रीगोंदा गावावरुन अवघा 48 किलोमीटर अंतरावर असलेल्या पुणे सोलापुर महामार्गावर असलेल्या सिद्धटेक या गावी भीमा नदीच्या काठावर श्री सिद्धीवीनायकाचे मंदिर स्थित आहे. सिद्धीवीनायक याचा शब्दशः अर्थ सिद्धीने भरभराट करणारा विनायक असा आहे.
धर्मानुसार सिद्धेश्वराची सिद्धिविनायक कथा.
धर्म गंथाच्या आख्यायिकेनुसार ज्या वेळेस ब्रम्हदेव सृष्टी निर्माण करत होते तेव्हा त्यांनी “ॐ” काराचा अखंड जप सुरु केला. त्याच्या या अखंड तपस्येने त्यांना गणपती प्रसन्न झाला आणि त्याने ब्रम्हदेवाला सृष्टी निर्मिती करण्याच्या त्याच्या इच्छेला पुर्णत्वास जाण्याचा वर दिला. आणि गणपतीने ब्रम्हदेवाच्या दोन कन्यांचा पत्नी म्हणून स्वीकार केला. जेंव्हा ब्रम्हदेव सृष्टी निर्माण करीत होता तेंव्हा भगवान विष्णू हे निद्राधीन झाले. विष्णूच्या कानातून मधु आणि कैतभ हे दैत्य निर्माण झाले. ते देवी-देवतांना छळू लागले. ब्रम्हदेवाच्या लक्षात आले की केवळ विष्णूच या दैत्यांना मारू शकतो, विष्णूने प्रयत्न केले पण तो त्यांना मारू शकला नाही.
विष्णूने प्रयत्नांची शिकस्त केली परंतु तो त्या दैत्यांना मारू शकला नाही. तेव्हा त्याने युद्ध थांबवले आणि गंधर्वाचे रूप धारण करून गायन सुरु केले. शंकराने त्याचे गायन ऐकले आणि त्याला बोलावले, तेव्हा विष्णूने शंकराला दैत्यांबरोबरच्या युद्धाविषयी सांगितले. मग शंकराने त्याला “ॐ गणेशाय नमः” या मंत्राचा जप करावयास सांगितला. हा जप करण्यासाठी विष्णूने सिद्धटेक या ठिकाणाची निवड केली. या डोंगरावर विष्णूने चार दरवाजे असलेले मंदिर उभे केले आणि त्यात गणपतीच्या मूर्तीची स्थापना केली. गणेशाची आराधना केल्यावर विष्णूला सिद्धी प्राप्त झाली आणि त्याने मधु आणि कैतभ या दैत्यांचा संहार केला. कालांतराने विष्णूने उभारलेले मंदिर नष्ट पावले.
धर्म गंथाच्या दुसऱ्या आख्यायिकेनुसार एका गुराख्याने येथे गणपतीला पाहिले आणि तो गणपतीला पुजू लागला. नंतर इथे पूजा-अर्चा करण्यासाठी त्याला एक पुरोहित मिळाला. अखेरीस पेशव्यांच्या राज्यात इथे पुन्हा मंदिर उभारले गेले. असे मानले जाते की संत श्री मोरया गोसावी आणि खेडचे संत नारायण महाराज यांना या ठिकाणी मुक्ती मिळाली.
अष्टविनायक सिद्धटेक मंदिरातील सिद्धिविनायकाची मूर्ती ही स्वयंभू असून ती तीन फूट उंच व अडीच फूट रुंद आहे. आहे. गणपतीच्या मूर्तीचे तोंड उत्तरेकडे असून ती गजमुखी आहे. सोंड उजवीकडे असल्याने सोवळे कडक आहे. त्यामुळे हा गणपती भक्तांसाठी कडक मानला जातो. गणपतीने एक मांडी घातली असून त्यावर ऋद्धि-सिद्धी बसलेल्या आहेत. प्रभावळीवर चंद्र, सूर्य, गरुड यांच्या आकृत्या असून मध्यभागी नागराज आहे. या देवळाला एक प्रदक्षिणा घालायची म्हणजे 5 किलोमीटर चालावे लागते. तेव्हा कुठे गणपतीची एक प्रदक्षिणा पुर्ण होते.
सिद्धटेकच्या ह्या सिद्धिविनायकाच्या मंदिराचा गाभारा पुण्यश्लोक अहिल्याबाई होळकर यांनी बांधला. देवाचे मखर पितळेचे असून सिंहासन पाषाणाचे आहे. मधु व कैटभ या असुरांशी भगवान विष्णू अनेक वर्षे लढत होते. मात्र, या युद्धात त्यांना यश प्राप्त होत नव्हते. तेव्हा शंकराने विष्णूला गणपतीची आराधना करायला सांगितली. याच ठिकाणी गणपतीची आराधना करून विष्णूने असुरांचा वध केला. या गणपतीच्या दर्शनामुळे आपल्या घरात रिद्धी सिद्धी येते मला चला सिद्धटेक येथील सिद्धीविनायकाच्या दर्शनाला.
