समुद्रपुर तालुक्यातील किन्हाळा गावात घाणीचे साम्राज्य, स्वच्छता मोहिमेचे धिंडवडे.

समुद्रपुर तालुक्यातील किन्हाळा गावात घाणीचे साम्राज्य, स्वच्छता मोहिमेचे धिंडवडे.

✒आशिष अंबादे✒
वर्धा जिल्हा प्रतिनिधी
मिडिया वार्ता न्यूज
8888630841
वर्धा,दि.13 जुलै:- ‘स्वच्छ भारत.. स्वच्छ शहर… स्वच्छ गाव’ चा नारा देत आपले शहर व गाव स्वच्छ ठेवण्याकडे शासन प्रशासनाकडून वेळोवेळी आवाहन करण्यात येत असते. गाव आणि शहर स्वच्छतेवर मोठा भर देण्यात येते असताना, मात्र वर्धा जिल्हातील समुद्रपुर तालुक्यातील किन्हाळा गावाची वाटचाल ही तेवढ्याच झपाट्याने अस्वच्छतेकडे होत असल्याने किन्हाळा गावाच्या नागरीकांच्या आरोग्याचा प्रश्न येरणीवर आला आहे. एकीकडे कोरोनाची धास्ती अन गावात ठिकठीकाणी अस्वच्छतेचे साम्राज्यामुळे भविष्यात कोरोनाच्या प्रादुर्भावास थांबवितांना इतर आजारांची लागण होण्याची शक्यता अधिक निर्माण झाली आहे. किन्हाळा ग्रामपंचायतील स्वच्छतेसाठी निधी तर मिळतो; मात्र तो निधी खरोखरच स्वच्छतेच्या कामावर किती खर्च होतो हे गावातील अस्वच्छतेवरुन स्पष्ट होते.

किन्हाळा गावातील अनेक भागातील नाल्या घाणीने तुडूबं भरलेल्या असून ते घाणपाणी रस्त्यावर वाहताना बघावयास मिळते. काही वार्डात कचरा अस्ताव्यस्त पसरुन रोगाला आमंत्रण देण्याचे काम करीत आहे. गाव स्वच्छतेवर भर असल्याची ओरड स्थानिक ग्रामपंचायतीकडून केली जात असली तरी गावात अनेक ठिकाणी असलेली घान व कचरा हे ग्रामपंचायतीच्या स्वच्छता मोहिमेची धिंडवडे काढणारे ठरले आहे.

किन्हाळा ग्राम पंचायत गंभीर आरोप.
ग्राम पंचायत मधील जबाबदार व्यक्तींना याबाबत माहिती दिली असता ते कामचुकाळ पणाचे सोंग घेऊन उडवाउडवीचे उत्तर देतात. पावसाळ्यात साथीचे रोग वाढण्याचे प्रमाण जास्त असल्याने आज आम्हच्या जिवाचा खेळ खडोबा सुरु आहे. असे मत किन्हाळा गावतील गावक-यांनी मिडिया वार्ता न्यूज जवळ व्यक्त केल.