बल्लारपूर विधानसभेसाठी काँग्रेसची उमेदवारी डॉ. अभिलाषा गावतुरे यांना मिळावी -प्रवीण (बाळूभाऊ) खोब्रागडे
• अखिल भारतीय रिपब्लिकन पार्टी ऑफ इंडियाचे प्रवीण (बाळूभाऊ) खोब्रागडे यांचा जाहीर पाठींबा
🖋️ मीडियावार्ता वृत्तसेवा
📱 8830857351
चंद्रपूर : 13 ऑक्टोंबर
डॉ. अभिलाषाताई गावतुरे यांना बल्लारपूर- पोंभुर्णा -मूल विधानसभा मतदार संघासाठी अखिल भारतीय रिपब्लिकन पार्टी ऑफ इंडिया प्रवीण (बाळूभाऊ) खोब्रागडे यांनी जाहीर पाठिंबा घोषित केला आहे.
दुर्गापूर येथे डॉ. अभिलाषाताई गावतुरे मित्र परिवार द्वारा आयोजित महाराष्ट्रातील प्रसिद्ध नामवंत लोकशाहीर संभाजी भगत यांच्या ‘विद्रोही आंबेडकरी शाहिरी जलशाच्या कार्यक्रमात ते बोलत होते.
धम्मचक्र प्रवर्तन दिनानिमित्त या कार्यक्रमाचे आयोजन करण्यात आले होते.
या कार्यक्रमाला उदघाटक म्हणून अखिल भारतीय रिपब्लिकन पार्टीचे राष्ट्रीय अध्यक्ष प्रवीण (बाळूभाऊ) खोब्रागडे म्हणाले की मागील पंधरा वर्षांपासून सातत्याने फुले- शाहू -आंबेडकरी चळवळीमध्ये अभिलाषा गावतरे यांचे मोठे योगदान आहे आणि बहुजनांचे प्रतिनिधी विधिमंडळामध्ये जाऊन पुरोगामी चळवळीला बळकटी मिळाली पाहिजे.
पक्षाची बांधिलकी सोडून ज्याप्रमाणे संविधान वाचवण्यासाठी लोकसभेमध्ये महाविकास आघाडीला आंबेडकरी जनतेने साथ सहयोग दिला होता आता सुद्धा ही परिस्थिती तशीच आहे व आंबेडकरी जनतेच्या मनातील इच्छा बल्लारपूर विधानसभेसाठी डॉ. अभिलाषा
यांना प्रतिनिधित्व देण्याची आहे , म्हणून रिपब्लिकन पार्टी ऑफ इंडिया च्या वतीने आंबेडकरी जनतेचा मान राखून डॉ. अभिलाषा गावतुरे यांना काँग्रेसने उमेदवारी द्यावी अशी मागणी त्यांनी केली. पक्षश्रेष्ठींकडे असा पाठपुरावा सुद्धा केल्याचे त्यांनी सांगितले.
यावेळी कार्यक्रमाच्या अध्यक्षस्थानी डॉ.अभिलाषा गावतुरे यांच्यासह मंचावर बाळू चांदेकर , दीपक कुंदोजवार, नमो शेंडे , संजू भगत , गिरीधर लांबट , देविदास रामटेके, मुन्ना आवळे, सुरेश कावळे , अनिल फाले ,डॉ.राजश्री आवळे, दीपक आवळे ,मुसा शेख , फिरोज पठाण , आनंद दोरखे , विशाल दुर्योधन , दिगंबर दुर्योधन , अँड.मोटघरे सर ,कमलाबाई मुन ,रत्नपारखी मॅडम, कौशिक खोब्रागडे,शुभम रायपूरे, आशिष शेंडे , खुशाल कावळे यांची उपस्थिती होती.
डॉ. अभिलाषा ताई गावतुरे मित्रपरिवार चे अध्यक्ष कौशिक खोब्रागडे यांनी याप्रसंगी सर्व मान्यवरांचे व दुर्गापूर येथील जनतेचे आभार मानले.
