हिंगणघाट: लक्ष्मी टॉकिज मध्ये अवैध बांधकाम, नगर पालिका मुग गिळून गप्प.
==== मुख्य मुद्दे ====
● हिंगणघाट नगर पालिका प्रशासन झाले काय टॉकिज मालकाच्या ताटा खालचे मांजर?
● कधी होणार लक्ष्मी टॉकिज वर कारवाई?
● हिंगणघाट न.पा मुख्याधिकारी वर मोठे प्रश्न चिन्ह?
✒️ मुकेश चौधरी ✒️
उप संपादक मिडिया वार्ता न्युज
📲 7507130263 📲
हिंगणघाट:- शहरात विविध क्षेत्रांत नियम तोडून काम करण्याकडे लोकांचा कल आहे. जेव्हा कोणी नियमावर बोट ठेवून चौकशी करायला येईल तेव्हा नियमातून पळवाटा कशा काढता येतील याचा प्रयत्न करून पाहू अन्यथा थोडेबहुत दंड भरू किंवा विचारणाऱ्याचाच खिसा गरम करू असे विविध पर्याय वापरले जातात. काहीही बांधताना नियमानुसार बांधता आले तर ठीक, त्यात फार अडचणी येत असतील, वेळ जातो त्याला फाटा देऊन बांधकाम करण्याकडे कल वाढतो आहे. गेल्या काही वर्षांत हिंगणघाट शहरात अवैध बांधकामाचे मोठे पीक आले आहे.
हिंगणघाट शहर वेगाने विकसित होत होते. त्यामुळे हिंगणघाट येथील एकमेव प्रसिद्ध लक्ष्मी टॉकिज चित्रपटगृहाने रिनोर्वेशनच्या नावाखाली चित्रपटगृहात चक्क अवैध बांधकाम केले. त्यात स्थानिक नगर पालिका प्रशासनाची कुठलीही परवागी घेण्यात आली नाही. मोठ्या प्रमाणात लक्ष्मी टॉकिजने अवैध बांधकाम केल्याचे समोर आले असताना ही, नगर पालिका प्रशासनाने कुठलीही कारवाई केली नाही. त्यामूळे हिंगणघाट नगर पालिका प्रशासनाची भुमीका संशायपद दिसून येत आहे.
हिंगणघाट शहरातील लक्ष्मी टॉकिज संचालकाने टॉकिजचे नविन बांधकाम केले. त्यांना परवाना दिला कोणी? रस्त्यांच्या लगत असलेल्या शासनाच्या जागेवर अतिक्रमण करण्यात आले आहे. त्यामूळे मुख्य रस्त्यावरून नागरीकाना येणे जाणे मुस्किल झाले आहे. चित्रपटाची तिकिट काढताना टॉकिज बाहेर रस्त्यांवर मोठ्या प्रमाणात लोकांची गर्दी होत असल्याने लोकांना रस्त्यांवरुन चालने त्रासदायक झाले आहे.
हिंगणघाट शहरातील अवैध बांधकामाच्या पाहणीसाठी पूर्वी अभियंते तनात करण्यात आले होते, मात्र आता पालिके तर्फे कारवाई कमी आणि आर्थिक हित जास्त होत असल्याचे समोर येत आहे. हिंगणघाट पालिका प्रशासनाकडुन बांधकाम नियमित करून घेण्याऐवजी प्रत्येक वेळी शुल्क वसूल करतात. त्यातून ‘तेरी भी चूप, मेरी भी चूप’ असा धंदा राजरोसपणे सुरू आहे
