घुग्घुस शहरात वाघाचा धुमाकूळ
अश्विन गोडबोले
चंद्रपूर महानगर प्रतिनिधी
मो: 8830857351
घुग्घुस : शहरातील आंबेडकर नगर व शिव नगर वसाहतीच्या जवळील झूडपात वाघाने धुमाकूळ घालून दोन वासरांना ठार केले. ही घटना, बुधवारला रात्री 10 वाजताच्या सुमारास घडली. अनिल रामाजी काळे (45, रा. आंबेडकर नगर, घुग्घुस) हा आपल्या गाई व बकर्‍यांना चराईसाठी दररोज जवळील झूडपात नेत होते. बुधवारी रात्री पाऊस आला. त्यामुळे त्यांच्या गाई झुडुपातच थांबल्याने घरी परतल्या नाही. दरम्यान, रात्री 10 वाजताच्या सुमारास वाघाने गाईच्या दोन वासरांवर हल्ला केला. गुरुवारी सकाळी अनिल काळे व नागरिकांनी झुडुपात जाऊन बघितले असता जमिनीवर वाघाच्या पंजाचे चिन्ह दिसून आले. तसेच एक वासरू मृत अवस्थेत झुडुपात पडून होते. तर एका वासराला वाघाने फरकटत नेल्याने त्याचा थांगपत्ता लागला नाही. वनरक्षक भूषण गोधने, सुनील कुमरे, प्रकाश आत्राम यांनी घटनास्थळाचा पंचनामा केले.
