Big Breaking 💥💥@भद्रावती आचारसंहितेत उमेदवाराचे पैसे वाटप कार्यक्रम

Big Breaking 💥💥@भद्रावती
आचारसंहितेत उमेदवाराचे पैसे वाटप कार्यक्रम

⭕ पोलिसांनी धाड टाकून 50 हजाराची रोकड केली जप्त

🖋️ मीडिया वार्ता वृत्तसेवा
📱 8830857351

चंद्रपूर : 14 नोव्हेंबर
भद्रावती शहरातील नागपूर मार्गावर सेलिब्रेशन सभागृहालगत असलेल्या पेट्रोल पंपावर एका उमेदवाराचे पैसे वाटप सुरू होते. ही माहिती मिळताच पोलिस पथकाने पैसे वाटप होत असलेल्या ठिकाणी धाड टाकली. पोलिस येईपर्यंत मोठी रक्कम वाटून झाली होती. पोलिसांच्या हाती केवळ पन्नास हजार रुपये लागले.
भद्रावती शहर हे वरोरा विधानसभा क्षेत्रात येत असून, महत्वाचा तालुका आहे. त्यामुळे राजकीय पक्ष येथे पैशांचा मारा करीत आहेत. पैशांचे वाटप केले जात असल्याची माहिती स्थिर निगरानी पथकाला मिळाली.
जिल्ह्यातील भद्रावती येथे एका पेट्रोल पंपावर कार्यकर्त्यांना पैसे वाटप होत असल्याचा प्रकार समोर आला आहे. यावेळी पोलिसांनी धाड टाकून 50 हजार रूपये जप्त केले आहेत. याप्रकरणी दोन जणांविरोधात अदखलपात्र गुन्हा दाखल केला आहे. त्यामुळे वरोरा विधानसभा क्षेत्रातील राजकीय वर्तुळात खळबळ उडाली आहे.
पोलिसांनी येथे कारवाई करत रक्कम जप्त केली आहे. पाकिटांवर कार्यकर्त्यांची नावे लिहिलेली दिसून आली. शिवाय एक मोठी यादीही पोलिसांच्या हाती लागली. मात्र, मोठी रोख रक्कम हाती लागू शकली नाही. याप्रकरणी पोलिसांनी पेट्रोल पंप मालक व अन्य एकाविरूद्ध अदखलपात्र गुन्हा दाखल केला असल्याची माहिती पोलिस निरिक्षक अमोल काचोरे यांनी दिली.