डॉ. अभिलाषा गावतुरे यांना राष्ट्रीय गोंडवाना पार्टीचा विनाशर्त पाठिंबा
• डॉ. गावतूरे यांना प्रचंड बहुमताने निवडून देण्याचा संकल्प
🖋️ मीडिया वार्ता वृत्तसेवा
📱 8830857351
चंद्रपूर : डॉ.अभिलाषा गावतुरे या नेहमीच आदिवासी समाजाच्या हाकेला धावून आल्या आहेत. आदिवासी समाजामध्ये जाऊन वैद्यकीय सेवा देणे, वन्यजीवांच्या हल्ल्यात जखमी झालेल्यांना किंवा मृत पावलेल्यांना नुकसान भरपाई मिळावी, कसत असलेल्या वनजमिनीचे पट्टे मिळावे, आदिवासी बहुल भागात पेसा कायदा लागू करावा यासाठी त्यांनी वेळोवेळी आंदोलने केली आहेत.
त्यामुळे आदिवासी समाजाला न्याय देण्यासाठी व आदिवासी समाजाचा आवाज विधानसभेमध्ये बुलंद करण्यासाठी डॉ. अभिलाषा गावतुरे यांच्या पाठीशी आदिवासी समाजाने भक्कमपणे उभे राहावे असे आवाहन राष्ट्रीय गोंडवाना पार्टी चे प्रदेश अध्यक्ष राकेश राजू भलावी, प्रदेश सचिव कमलेश नैताम, युवा प्रदेशाध्यक्ष प्रशील कोडापे यांनी केले आहे.
बल्लारपूर विधानसभा क्षेत्राच्या अपक्ष उमेदवार डॉ. अभिलाषा गावतुरे यांना राष्ट्रीय गोंडवाना पार्टीने आपला विनाशर्त एकमताने पाठिंबा जाहीर केला आहे.
