निजामपूर विभागीय काँग्रेस अध्यक्ष स्वप्निल शिर्के यांचा बाळासाहेब ठाकरे शिवसेनेत जाहीर प्रवेश
सचिन पवार
रायगड ब्युरो चीफ
8080092301
माणगांव:-माणगांव तालुक्यातील काँग्रेस पक्षाचे युवा नेतृत्व व निजामपूर विभागीय काँग्रेस अध्यक्ष स्वप्निल शिर्के व त्यांच्या सहकाऱ्यांनी बाळासाहेब ठाकरे शिवसेनेत महाड, पोलादपूर, माणगांवचे कार्यसम्राट आमदार, शिवसेनेचे उपनेते व पक्ष प्रतोद भरतशेट गोगावले यांच्या प्रमुख उपस्थित 14 फेब्रुवारी रोजी निजामपूर येथे जाहीर पक्ष प्रवेश केला.
यावेळी स्वप्निल शिर्के यांच्या सोबत रामदास सावंत, मयूर यादव, जनार्दन सावंत, संभाजी गायकवाड, चेतन सावंत, संतोष जाधव, रामदास शिर्के, सचिन शिर्के, सुजित गायकवाड, मनिष मोरे, सुधीर सावंत, बजरंग कांबळे, अनिल सावंत, सिद्धार्थ गायकवाड, विनोद गायकवाड यांनी सुद्धा पक्ष प्रवेश केला.
या पक्ष प्रवेशा बाबत स्वप्निल शिर्के यांनी मनोगत व्यक्त करताना सांगितले, आ. भरतशेट गोगावले यांच्या कार्यप्रणालीवर विश्वास ठेऊन तसेच त्यांनी निजामपूर विभागात केलेली विविध विकासकामे यामुळे आम्ही पक्ष प्रवेश केला आहे. निजामपूर विभागात असणारे डोंगर दऱ्यातील गावे त्या ठिकाणी रस्ते, नळ पाणीपुरवठा योजना, समाज मंदिर व गावासाठी असणाऱ्या मूलभूत सुविधा त्यांनी उपलब्ध करून दिल्या आहेत असे खंबीर नेतृत्व आ. भरतशेट गोगावले यांचे आहे. त्यामुळे बहुसंख्याने तरुण वर्ग प्रभावित होऊन पक्ष प्रवेश करीत आहेत. लवकरच निजामपूर या ठिकाणी सभा घेऊन मोठया संख्येने पक्ष प्रवेश कार्यक्रम आयोजित करण्यात येणार असल्याचे स्वप्निल शिर्के यांनी सांगितले आहे.
हा पक्ष प्रवेश माणगांव उपतालुका प्रमुख नितीन पवार यांच्या प्रयत्नाने करण्यात आला असून त्यांच्या सोबत सुधीर पवार, काशिनाथ देवघरे, संदीप लाड, प्रमोद खेतम, गणेश पवार,पवन कोळवणकर, नितीन बडे, कोंडू फाळके, राजेश कदम, दिनेश चिले यांची प्रमुख उपस्थिती होती.
