अमरावतीत चॉकलेटच्या आमिष देऊन 12 वर्षाच्या चिमुकलीवर अत्याचार.
✒️अमरावती जिल्हा प्रतिनिधी✒️
अमरावती, 16 मार्च:- जिल्हातीतुन एक धक्कादायक बातमी समोर आली आहे. 12 वर्षच्या अल्पवयीन चिमुकलीसोबत अत्याचार झाल्याचा प्रकार अमरावती जिल्ह्यात उघडकीस आला आहे. त्यामुळे या परीसरात संतापाची लाट दिसून येत आहे. 12 वर्षीय चिमुकलीला चॉकलेट देण्याच्या आमिषाने नराधमाने नेऊन अत्याचार केला. या प्रकरणी आरोपीला पोलिसांनी बेड्या ठोकल्या आहेत.
अल्पवयीन चिमुकली वर अत्याचार झाल्याची घटना पुन्हा एकदा उघडकीस आली आहे. अमरावती जिल्ह्यातील शिरजगाव कसबा पोलीस स्टेशन अंतर्गत हा संतापजनक प्रकार घडला. आपल्या अल्पवयीन मुलीसोबत नराधमाने अतिप्रसंग केल्याची तक्रार पीडितेच्या आईने दिली.
चॉकलेटच्या आमिषाने अत्याचार
पीडितेला चॉकलेटचे आमिष दाखवून विजय जवंजाळ या नराधमाने तिच्यावर अतिप्रसंग केलाय. 12 वर्षीय बालिकेने कशीबशी नराधमाच्या तावडीतून आपली सुटका करुन घेतली. त्यानंतर तिने आपल्यासोबत घडलेला हा किळसवाणा प्रकार आईला सांगितला.
पॉक्सोअंतर्गत गुन्हा नोंदवून आरोपीला ठोकल्या बेड्या.
पीडित बालिकेच्या आईच्या तक्रारीवरुन बाल लैंगिक कायद्या अंतर्गत (पॉक्सो) नराधम आरोपीविरोधात गुन्हा दाखल करण्यात आला आहे. पोलिसांनी आरोपी विजय जवंजाळ याला अटक केली आहे. आरोपीला सध्या न्यायालयीन कोठडी ठोठवण्यात आली आहे. या संदर्भात शिरजगाव कसबा पोलीस स्टेशनचे सहाय्यक पोलीस निरीक्षक पंकज दाभाडे अधिक तपास करत आहेत.
