म्युकरमायकोसीस रुग्णांच्या उपचारासाठी रुग्णालयात स्वतंत्र वॉर्ड आणि विशेषज्ञांचे पथक नेमा: आरोग्यमंत्री राजेश टोपे.
✒नीलम खरात, मुंबई प्रतिनिधी✒
मुंबई,दि.16मे:- कोरोना वायरस मुळे राज्यात हाहाकार माजला असताना आता महाराष्ट्रातील जनतेचा मनात धडाकी भरवीण्यासाठी परत एक रोगाने आपल तोंड वर काढल आहे. राज्यात काळी बुरशी म्युकरमायकोसीस आजाराचे रुग्ण रोज समोर येत आहे. त्यांच्या उपचारासाठी शासकीय आणि खासगी वैद्यकीय महाविद्यालयांच्या रुग्णालयात स्वतंत्र वॉर्ड तयार करावेत. उपचारासाठी विशेषज्ञ आणि नर्स यांचे स्वतंत्र पथक करावे अशा सूचना विभागाला दिल्याची माहिती, आरोग्यमंत्री राजेश टोपे यांनी दिली.
काळी बुरशी म्युकरमायकोसीस आजाराच्या रुग्णांमध्ये राज्यात मोठ्या प्रमाणात वाढ होताना दिसून येत आहे. कोरोना वायरसच्या पाठोपाठ हे नवीन आव्हान उभे ठाकले आहे. मात्र त्याला तोंड देण्यासाठी राज्यातील आरोग्य विभाग प्रयत्न करीत आहे.
या आजारावरील रुग्णांसाठी कान, नाक, घसा तज्ज्ञ, नेत्ररोग तज्ज्ञ, न्युरोसर्जन, प्लास्टीक सर्जन या विशेषज्ञांची आवश्यकता भासते. प्रत्येक ठिकाणी एकाच छताखाली एवढे विशेषज्ञ उपलब्ध होतील असे नाही. त्यामुळे मोठ्या रुग्णालयांमध्ये उपचाराची सुविधा केली जात असून महात्मा फुले जनारोग्य योजनेत सहभागी असलेल्या ठराविक मोठ्या रुग्णालयात या आजारावर उपचार केले जाऊ शकतात, असे आरोग्यमंत्र्यांनी सांगिले.
राज्यातील शासकीय महाविद्यालये आणि खासगी महाविद्यालयातील रुग्णालयांमध्ये विशेषज्ञ उपलब्ध होतात त्याठिकाणी काळी बुरशीच्या रुग्णांवर उपचाराची सोय करण्यात यावी. तेथे स्वतंत्र वॉर्ड करतानाच उपचाराची स्वतंत्र पथक देखील नेमावे, अशा सुचना केल्याचे टोपे यांनी सांगितले.
