गुरु शिष्याच्या नात्याला कलंक, अरबी भाषा शिकविणाऱ्या शिक्षकाच्या विद्यार्थिनीवर अत्याचार.
✒युवराज मेश्राम✒
नागपुर जिल्हा प्रतिनिधी
9527526914
नागपूर,दि.16 जुलै:- नागपुर येथून एक गुरु शिष्यांच्या नात्याला कलंकित कारणारी सतापजनक घटना समोर आली आहे. एका महिला विद्यार्थ्यांनीला अरबी भाषा शिकविणाऱ्या गुरुने लग्नाचे आमिष दाखवून एका अल्पवयीन विद्यार्थिनीवर बलात्कार केल्याची घटना मानकापूर पोलीस ठाण्याच्या हद्दीत घडली आहे. पोलिसांनी गुन्हा दाखल करून आरोपीला अटक केली आहे. रफिक खान ऊर्फ मौलाना हाफिज साहब वय 27 वर्ष असे आरोपीचे नाव आहे.
प्राप्त माहितीनुसार एक 17 वर्षांची अल्पवयीन पीडित विद्यार्थिनी मानकापूर पोलीस ठाण्याच्या हद्दीत राहते. तिचे वडील घरीच राहतात, तर आई आणि दोन भाऊ मजुरी करतात. आरोपी रफिक खानची विद्यार्थिनीच्या कुटुंबासोबत जुनी ओळख आहे. तो विद्यार्थिनीच्या कुटुंबीयांना राशन देतो. त्यामुळे विद्यार्थिनी आणि तिचे कुटुंबीय त्याला सन्मान देतात. रफिक विद्यार्थ्यांना अरबी भाषा शिकवितो. रफिकने अल्पवयीन असलेल्या विद्यार्थिनीला लग्नाचे आमिष दाखविले. तो 6 मार्च 2021 रोजी तिच्याशी लपून साक्षगंध करीत होता. त्याची माहिती मिळाल्यामुळे बालसुरक्षा अधिकाऱ्यांनी धाड टाकून साक्षगंध थांबविला. त्यानंतर अल्पवयीन विद्यार्थिनीला काटोल मार्गावरील महिला सुधारगृहात ठेवण्यात आले. 20 दिवसांनंतर सुधारगृहातून आईवडिलांनी तिला घरी आणले. 13 एप्रिलला रफिकने तिला घरी बोलावले. तिचा टच स्क्रीन मोबाइल देऊन तिच्यावर प्रेम करीत असल्याचे सांगितले. एका वर्षानंतर लग्न करू, असे सांगून जबरदस्ती शारीरिक संबंध प्रस्थापित केले. कौटुंबिक संबंध असल्यामुळे ती रफिकसाठी टिफिन घेऊन जात होती. दरम्यान, रफिकने तिच्याशी जबरदस्ती केली. तो त्याच्या ओळखीच्या महिलेच्या घरी नेऊन तिच्याशी शारीरिक संबंध करू लागला. काही दिवसांपासून रफिक तिला त्रास देत होता. कोणाशीही बोलताना पाहून शंका घेऊन मारहाण करीत होता. तिच्या कुटुंबीयांना मारण्याची धमकी देत होता. त्रस्त होऊन अल्पवयीन विद्यार्थिनीने कुटुंबीयांना आपबिती सांगितली. मंगळवारी सामाजिक कार्यकर्ता सुनीता ठाकरे, हाफिज साबरी तसेच सकीना यांच्या मदतीने मानकापूर पोलिसात तक्रार दाखल करण्यात आली. पोलिसांनी बलात्कार, मारहाण, धमकी देणे आणि पोक्सोअंतर्गत गुन्हा दाखल केला आहे.
