अनिल देशमुख ईडी प्रकरण; पत्नी आरती देशमुख चौकशीसाठी गैरहजर.
✒युवराज मेश्राम✒
नागपुर जिल्हा प्रतिनिधी
9527526914
नागपुर/मुंबई,दि16 जुलै :- महाराष्ट्र राज्याचे माजी गृहमंत्री आणि राष्ट्रवादी काँग्रेसचे नेते अनिल देशमुख यांच्याविरुद्ध सक्तवसुली संचालनालयाने (ईडी) दाखल केलेल्या मनी लाँड्रिंगच्या केस प्रकरणी त्यांच्या पत्नी आरती देशमुख यांना गुरुवारी ईडी कार्यालयात हजर राहण्यासाठी संमन्स बजावण्यात आला होता. मात्र आरती देशमुख चौकशीसाठी गुरुवारी गैरहजर राहिल्याची माहिती समोर आली आहे.
कोरोना वायरसच्या प्रादुर्भाव व प्रकृती ठिक नसल्याच्या कारणास्तव त्या ईडीच्या कार्यालयात हजर राहू शकत नसल्याचे त्यांच्या वकिलामार्फत कळविण्यात आल्याचे समजते.
अनिल देशमुख यांना तीनवेळा तर त्याचे पुत्र ऋषिकेश यांना ईडीने एकवेळा समन्स बजावले होते.
मात्र, त्यांनी चौकशीला हजर राहणे टाळले आहे. आता आरती देशमुखही गैरहजर राहिल्याने ईडी कोणती कारवाई करते, याकडे सर्वांचे लक्ष आहे. आरती यांना गुरुवारी सकाळी अकरा वाजता बेलार्ड पियार्ड येथील कार्यालयात हजर राहण्याबाबत बुधवारी समन्स बजावले होते. मात्र, त्यांना विविध आजार आहेत, कोरोनाच्या संसर्गामुळे घराबाहेर पडणे अशक्य आहे, तसेच त्या गृहिणी असून कोणत्याही व्यवसायात सक्रिय नाहीत, असे त्यांच्या वकिलांनी स्पष्ट केले होते.
आता ईडी काय भुमीका घेते याकडे सर्वांचे लक्ष लागले आहे.
