नागपूरात रेल्वेच्या दोन वरिष्ठ अधिकाऱ्यांविरुद्ध छेडखानीचा गुन्हा, महिला कर्मचाऱ्यानी केली होती तक्रार.
✒ युवराज मेश्राम ✒
नागपुर जिल्हा प्रतिनिधी
📲9766445348 📲
नागपूर:- नागपुर रेल्वे विभागातून एक संतापजनक बातमी समोर आली आहे. रेल्वेतील दोन वरिष्ठांची तक्रार महिला अधिकाऱ्यानी सदर पोलिसांत केली. या दोन वरिष्ठ अधिकाऱ्यांविरोधात सदर पोलिसांनी छेडखानी आणि जातिवाचक शिविगाळीचा गुन्हा दाखल केलाय. वरिष्ठ विभागीय वाणिज्य व्यवस्थापक विकास कुमार कश्यप आणि सहाय्यक वाणिज्य व्यवस्थापक अविनाश कुमार आनंद अशी गुन्हा दाखल झालेल्या अधिकाऱ्यांची नावे आहेत.
सदर पोलीस ठाण्याअंतर्गत दक्षिण पूर्व मध्ये रेल्वेचा विभाग येतो. तक्रारकर्ती महिला अधिकारी 57 वर्षांची आहे. पीडितेने दिलेल्या तक्रारीनुसार, वरील दोन्ही अधिकारी त्यांना वारंवार कॅबीनमध्ये बोलावित होते. जातिवाचक शिविगाळ करून छेडखाणी करीत होते. याविरोधात आवाज उचलला असता सदर महिला अधिकाऱ्याचा आणखी त्रास अधिकच वाढला. फाईल मागण्याच्या बहाण्याने बोलावून त्रास दिला जात असल्याची महिलेची तक्रार आहे. या महिला अधिकाऱ्याने ऑगस्ट 2021 मध्येच याची लेखी तक्रार सदर पोलिसांत केली होती. तक्रारीची चौकशी करण्यात आली. त्यानंतर सदर पोलिसांनी आरोपींविरोधात गुन्हा दाखल केला. सदरच्या सहाय्यक पोलीस निरीक्षक भारती गुरनुले तपास करीत आहेत.
